"Muri i Berlinit" ngrihet në Mynih
këtë herë 40 centimetër më i lartë

Duket se qeveria gjermane ka dashur të risjellë Murin e Berlinit në Mynih.

Një mur që ndan vendasit nga refugjatët është ndërtuar në lagjen Neuperlach Süd, në qytetin e Mynih-ut.

Mediat vendase thonë se qëllimi i tij është që popullsia lokale të mos shqetësohet nga zhurmat e refugjatëve.

Muri është i gjatë 100 metra dhe i lartë 4 metra, i ngritur 25 metra larg kampit të refugjatëve.

Kapaciteti i kampit ku në përgjithësi do të jetojnë refugjatë të rinj,  është 160 persona.

Ndaj banorët lokalë kanë dërguar kërkesë nëpërmjet të cilës kërkuan ngritjen e një muri mes zonës së tyre dhe kampit.

Kjo ka shkaktuar reagime edhe tek zyrtarët lokal.

Guido Bucholtsz, si pjesë e qeverisë lokale ka thënë se vendimi i qeverisë shtetërore nuk është pritur pozitivisht nga ata.

Ai ka deklaruar gjithashtu se kur e pa murin për herë të parë u trishtua dhe kjo i duket shumë qesharake.

Një muri i tillë ndërtohet  në Gjermani për herë të dytë 40 cm më i lartë, pas atij të parit në Berlin, rrëzuar 27 vjet më parë.

Redaksia Online
A.L/Shqiptarja.com