TIRANE- Policia kufitare e Muriqanit në Shkodër ndaloi një grup prej 52 personash që ishin nisur për në Gjermani.
 
Dyshohet se agjencia kosovare me të cilën ata po udhëtonin, do t’i dërgonte shqiptarët për të azil.
 
I gjithë dyshimi i policisë ka lindur pas kontrollit të dokumenteve të pritjeve në shtetin gjerman, i cili ishte i njëjtë për të gjithë.
 
Nga ana tjetër dyshohet se agjencia kosovare u merrte nga 130 euro shtetasve kosovarë për udhëtimin e tyre për në Gjermani, të cilat justifikoheshin me faktin e rrugës së gjatë dhe vështirësive në kalimet e pikave kufitare meqënëse të gjithë udhëtarët ishin pajisur me dokumente të njëjta.
 
Policia e Shkodrës ka zgjeruar hetimet për të përcaktuar organizatorët e këtij rrjeti.

Redaksia online
(mm/sg/shqiptarja.com)