TIRANE- Kryetari i degës së Partisë Demokratike në Lushnje, Myslim Murrizi publikon shifrat krahasuese të votave të marra nga PD në 21 qershor me ato të dy zgjedhjeve të kaluara, parlamentaret e 2013-ës dhe ato lokale të vitit 2011.

Në vijim të udhëzimit të kryetarit demokrat, Lulzim Basha, shpërndarë degëve lokale për ta nisur analizën e shtatorit nga rishikimi i pozitave elektorale të PD në raport me zgjedhjet e mëparshme, sipas shifrave të publikuara nga kryedemokrati i Lushnjes, PD rritet në këtë rreth me 13 mijë vota më shumë, krahasuar me 2013-ën dhe 3 mijë vota më shumë si subjekt politik, në krahasim me 2011-ën.