Receta

Musaka me dromsa dhe spinaq / Pispili çame me super shije nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 18 Qershor, 12:17 | Përditesimi: 18 Qershor, 12:19

Musaka me dromsa dhe spinaq

Përbërësit:

500 gr spinaq
1 gotë me dromsa
1 kokërr qepë të thatë
1 tufë hudhra të njoma
1 filxhan kafeje qumësht
4 vezë të freskëta
2 lugë gjalpë të tretur
1 lugë miell
Vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Lajmë mirë spinaqin, heqim bishtat dhe e lëmë të kullojë. Më pas grijmë gjethet me thikë. Ndërkohë, në një tigan të thellë kaurdisim me pak vaj ulliri një qepë të grirë hollë. Shtojmë më pas hudhrat e njoma të prera hollë si dhe në fund spinaqin. Sipas dëshirës shtojmë kopër, piper, kripë dhe e lëmë gatimin të ziejë derisa të shterojë uji që ka nxjerrë vetë spinaqi. Në fund hedhim dromsat e skuqura në gjalpë. I lëmë të marrin 2-3 valë dhe të gjithë masën e përgatitur e shtrojmë në një tepsi të vogël të lyer me vaj ulliri. Më pas skuqim me pak gjalpë miellin duke e përzier me lugë druri. E lëmë në zjarr të ngadaltë derisa të marrë një ngjyrë të artë. Pasi të jetë ftohur pak e tretim me qumësht të ftohtë. Ndërkohë në një tas rrahim vezët, shtojmë qumështin me miellin e skuqur dhe i përziejmë duke i rrahur. Kremin e përgatitur e hedhim mbi dromsat me spinaq duke patur kujdes që të përhapet në të gjithë tepsinë. E vendosim musakanë në furrë dhe e pjekim në temperaturën 180 gradë Celsius derisa sipërfaqja të marrë një ngjyrë të bukur.

MC/Shqiptarja.com

TAG: