Receta

Musaka me patate dhe presh nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Janar, 11:08 | Përditesimi: 13 Janar, 11:10

Musaka me patate dhe presh

Përbërësit:

1 kg patate
300 gr presh
2 kokrra qepë
500 gr mish të grirë
70 gr djathë i grirë
500 ml qumësht
2 kokrra vezë
1 lugë supe salcë domate
100 ml vaj
1 lugë supe gjalpë
2 lugë supe miell
Arrë moskat
Kripë dhe piper i zi
Rigon dhe majdanoz

Përgatitja:

LEXO EDHE:
Petulla me maja nga zonja Albana

Në një tigan hedhim vajin dhe qepën e grirë, të cilën e kaurdisim derisa të zbutet. Shtojmë mishin e grirë, kripën, piperin e zi dhe i përziejmë, derisa të marrin shijen e njëra-tjetrës. Me to kaurdisim edhe salcën e domates. Hedhim pak ujë dhe rigon dhe e lëmë të ziejë për 5 minuta. Shtojmë majdanozin dhe e provojmë për shijen. Pastrojmë e presim patatet në forma rrethore dhe shtrojmë në tavë gjysmat e tyre duke i spërkatur me pak kripë. Mbi to shtrojmë preshin, të prerë në madhësi 2-3 cm (vetëm pjesa e bardhë). Hedhim kimën, e shpërndajmë mbi gjithë sipërfaqen e tavës, hedhim pak ujë të nxehtë, aq sa të mbulohet vetëm shtresa e patateve. Mbi kimë shtrojmë pjesën tjetër të patateve. I spërkasim me pak kripë dhe lyrë dhe e vendosim tavën në furrë në temperaturë 250 gradë Celsius për 30 minuta. Ndërkohë përgatim beshamelin. Skuqim miellin me një lugë gjalpë. E tresim në qumështin e ftohtë dhe e vëmë në zjarr, duke e trazuar sa të fillojë të ajkoset. Hedhim kripë, pak piper, arrë moskat dhe vezët e rrahura me pak qumësht. Beshamelin e shtrojmë në musakanë me patate, e spërkasim të gjithë sipërfaqen me djathin e grirë dhe e vendosim tavën përsëri në furrë edhe 15 minuta të tjera.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com