Receta

Musaka me presh dhe mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 18 Nëntor, 11:01 | Përditesimi: 18 Nëntor, 11:03

Musaka me presh dhe mish të grirë

Përbërësit:

1 kg presh
400-500 gr mish i grirë
1 qepë mesatare
2-3 lugë gjelle vaj ulliri
2 domate / 2 lugë gjelle salcë
1 gotë kos
2 vezë
2 lugë gjelle miell
Kripë, piper

Përgatitja:

LEXO EDHE:
Pulë e mbushur nga zonja Albana

Fillimisht presim preshin në feta të holla dhe e vendosim të ziejë në një tenxhere me ujë të vluar me pak kripë, për 5-7 minuta derisa të zbutet pak. E kullojmë dhe e lëmë të ftohet. Ndërkohë në një tigan ngrohim vajin e ullirit dhe skuqim qepën e grirë derisa të bëhet transparente. Shtojmë mishin e grirë dhe e kaurdisim mirë derisa të thahet lëngu. Më pas shtojmë domatet e grira ose salcën e domates, kripën, piperin dhe nëse dëshirojmë dhe pak arrë moskat. E lëmë të ziejë për 10 minuta derisa të trashet masa. Fillojmë montojmë musakanë, në një tavë të lyer me pak vaj, shtrojmë gjysmën e preshit si shtresë të parë. Sipër preshit shtojmë mishin e grirë dhe e përhapim në mënyrë të njëtrajtshme. E mbulojmë më pas me pjesën tjetër të preshit. Rrahim vezët me kosin dhe miellin derisa të bëhet një masë homogjene dhe e shtrojmë në tavë, të cilën e vendosim në furrë të parangrohur në 180°C për 30-40 minuta, derisa sipërfaqja të marrë një ngjyrë të artë.