Receta

Musaka me presh, super shije nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 3 Tetor 2023, 11:25 | Përditesimi: 3 Tetor 2023, 11:27

Musaka me presh

Përbërësit:

1 kg presh
350 gr mish i grirë
2 qepë
1 spec i kuq
2 lgj vaj ulliri
1 lgj gjalpë
100 ml verë e kuqe
Salcë domate e koncentruar
1 kokërr vezë
250 ml qumësht
Kripë, piper i zi
Djathë të grirë

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Kaurdisim një qepë në yndyrë me pak kripë. Shtojmë preshin e prerë pjerrtazi, vendosim kapakun dhe i lëmë për pak minuta.

Në një tenxhere tjetër kaurdisim mishin e grirë së bashku me një kokërr qepë. E shuajmë me pak verë dhe sapo të avullojë alkooli shtojmë salcën e domates, erëzat dhe specin e prerë në kubikë.

Shtrojmë musakanë në tavë duke vendosur fillimisht një shtresë me kimën me mish të grirë, preshin, përsëri kimë dhe në fund një shtresë me vezën e rrahur me qumështin. Sipas dëshirës mund ta spërkasim sipërfaqen e musakasë me pak djathë të grirë. E vendosim tavën në furrë të parangrohur në temperaturën 180 gradë sa të marrë një ngjyrë të bukur.

MC/Shqiptarja.com

TAG: