Kryeministri i Republikës së Kosovës, Isa Mustafa, emëroi sot Dalibor Jevtiç nga Lista Serbe në postin e Ministrit për Komunitete dhe Kthim, njoftoi kabineti qeveritar.
Lista Serbe ka njoftuar Kryeministrin se do të kthehet aktivisht në parlament dhe në qeveri nga data 27 prill 2015.
Ditën e djeshme Mustafa priti në zyrën e tij edhe katër kryetarët e komunave të veriut, Leposaviqit, Zubin Potokut, Zveçanit dhe Mitrovicës Veriore, ku janë harmonizuar qëndrimet që këto komuna të miratojnë buxhetet e tyre, në përputhje me ligjet e Kosovës, thuhet në njoftim./atsh/