Ministrja e Shtetit për Rininë dhe Fëmijët, Bora Muzhaqi zhvilloi një vizitë në shkollën “Bashkim Fino”, me qëllim monitorimin e ecurisë së trajnimeve të ekipeve sportive në sportin e volejbollit dhe basketbollit, por edhe për t’u informuar më shumë se si fëmijët dhe të rinjtë ndihen me këtë program dhe si ka ndikuar në zhvillimin e tyre.
Përgjatë bisedës me fëmijët dhe të rinjtë, ku ministrja Muzhaqi i pyeti rreth ecurisë së trajnimeve, si sporti po ndikon në zhvillimin e tyre dhe për uniformat e reja, fëmijët dhe të rinjtë u shprehën të gjithë shumë të lumtur që janë pjesë e këtij programi, pasi ka ndikuar pozitivisht në zhvillimin e tyre fizik, ndërveprimin social, por edhe fakti që çdo gjë e përfitojnë falas është një plus për familjet e tyre, duke qënë se tashmë nuk duhet të paguajnë më për kurse sporti pas mësimit.
Me fëmijët dhe të rinjtë ministrja Muzhaqi diskutoi edhe mbi uniformat e reja dhe bazën materiale, të siguruara këto të fundit nga Qeveria Shqiptare për mbarëvajtjen e programit, por edhe që të ndihen si një ekip i mirëfilltë.
Më tej, ministrja Muzhaqi shtoi “Njësoj si ju, jam dhe unë shumë e lumtur që ju jeni pjesë e këtij programi kaq të bukur dhe plot jetë. Ju shoh shumë entuziastë dhe sytë ju shkëlqejnë teksa vraponi në lojë. Shkolla juaj vitin e shkuar kishte ekipin e basketbollit për 9 vjeçaren, dhe ju premtova që së shpejti do kishit dhe ekipe për më të vegjlit. E tashmë kemi dy ekipe të reja volejbolli për moshat 8-10 vjeç.”
Programi Ekipet Sportive në shkolla ka filluar zbatimin që prej vitit 2022 në të gjithë Shqipërinë. Për të dytin vit radhazi, janë angazhuar mbi 10000 fëmijë dhe të rinj në të gjithë Shqipërinë, ndërkohë këtë vit për herë të parë po pilotohet projekti edhe për grupmoshën 8-10 vjeç, ku janë angazhuar rreth 1000 nxënës. Ky program mbështet nga Qeveria Shqiptare dhe zbatohet nga Komiteti Olimpik Kombëtar Shqiptar, me mbështetjen e Ministrisë së Arsimit dhe Sportit, dhe Ministrit të Shtetit për Rininë dhe Fëmijët.
Lajme të tjera
-
Nisja e vitit të ri shkollor, Muzhaqi dhe Mazniku në Përrenjas, urojnë nxënësit dhe mësuesit
9 Shtator, 17:07 -
Ministrja Muzhaqi në Tiranë dhe Kamëz: Rinia në qendër të reformave për Ligjin e Rinisë dhe Vullnetarizmit
22 Korrik, 20:36 -
Ministrja Muzhaqi nga Durrësi dhe Librazhdi: Dialog me të rinjtë për përmirësimin e Ligjit të Rinisë dhe Vullnetarizmit
20 Korrik, 18:10 -
Bora Muzhaqi nga Dibra dhe Korça: Vijojmë konsultimet për Ligjin e Rinisë dhe Vullnetarizmit
16 Korrik, 11:17 -
Ministrja Bora Muzhaqi: Hapet Programi Kombëtar i Praktikave të Punës! Mbi 1200 pozicione praktike në administratën publike
9 Korrik, 16:04 -
Rishikimi i ligjit ‘Për Rininë’, ministrja Muzhaqi në Lushnjë e Kuçovë: Reflektojmë sugjerimet e të rinjve
6 Korrik, 13:57 -
Rishikimi i ligjit ‘Për Rininë’, ministrja Bora Muzhaqi nis turin e konsultimeve
3 Korrik, 10:39 -
Nis rishikimi i ligjit ‘Për Rininë’, Bora Muzhaqi: Koha për të reflektuar mbi zhvillimet dhe kërkesat e të rinjve
14 Qershor, 10:45 -
Bora Muzhaqi në Vlorë: Përmbyllëm me sukses vitin e dytë të Programit Ekipet Sportive në Shkolla
2 Qershor, 17:36 -
Bora Muzhaqi në Bruksel: Politikat më të mira hartohen me të rinjtë për të rinjtë
31 Maj, 21:00 -
Java e Europës, Muzhaqi: Të rinjtë shqiptarë janë Europë!
9 Maj, 17:51 -
Muzhaqi në OKB: Shqipëria promovon barazinë gjinore, gjithë përfshirjen e aksesin në shërbime
4 Maj, 15:09
