Nxënësit e 300 shkollave 9 vjeçare në Shqipëri janë bërë pjesë e projektit pilot të kodimit. Kjo nismë i prezanton fëmijët me logjikën e kodimit që në hapat e para të formimit të tyre, nëpërmjet lojërave edukative.
Ministrja e Shtetit për Rininë dhe Fëmijët, Bora Muzhaqi, takoi sot nxënësit e vegjël të shkollës “Dhora Leka” në Tiranë, për të parë nga afër se si po zbatohet program i kodimit dhe si e kanë pritur fëmijët këtë mënyrë të re të të nxënit.
“Kemi kohë që punojmë për ta bërë të mundur një program të tillë. Është e rëndësishme të kuptojmë në kohë nevojat e brezit të ri dhe të prezantojmë metoda të nxëni të reja e tërheqëse për të vegjlit tanë. Kodimi që në fillimet e shkollës nxit zhvillimin, mënyrën logjike të zgjidhjes së problemeve dhe i përgatit nxënësit për t’u përshtatur me digjitalizimin. Për ne është kënaqësi të shohim se sa ndikim pozitiv ka ky projekt dhe po punojmë që ta zgjerojmë edhe më tej.”
Kodimi për nxënësit mësohet përmes një loje logjike, të krijuar posaçërisht për të nxitur mendimin kritik që në moshë të vogël. Lënda e kodimit duket të jetë nga më të pëlqyerat për të vegjlit e shkollës “Dhora Leka”. Mësuesit tregojnë se kjo lëndë ka ndikuar pozitivisht edhe tek zhvillimi i nxënësve në lëndët e tjera, siç tregojnë edhe notat e tyre.
Kodimi në shkolla ka filluar zbatimin në vitin 2022. Aktualisht po zbatohet në klasat e para të 300 shkollave publike dhe 40 shkolla jopublike në Shqipëri. Ndërkohë, projekti po pilotohet për klasat e dyta në rreth 100 shkolla në të gjithë Shqipërinë, të pajisura të gjitha me laboratorë inteligjentë. Mësuesit që japin lëndën trajnohen rregullisht për të qenë të përditësuar më metodat e posaçme didaktike që kjo lëndë kërkon.
Lajme të tjera
-
Ministrja Muzhaqi në Tiranë dhe Kamëz: Rinia në qendër të reformave për Ligjin e Rinisë dhe Vullnetarizmit
22 Korrik, 20:36 -
Ministrja Muzhaqi nga Durrësi dhe Librazhdi: Dialog me të rinjtë për përmirësimin e Ligjit të Rinisë dhe Vullnetarizmit
20 Korrik, 18:10 -
Bora Muzhaqi nga Dibra dhe Korça: Vijojmë konsultimet për Ligjin e Rinisë dhe Vullnetarizmit
16 Korrik, 11:17 -
Ministrja Bora Muzhaqi: Hapet Programi Kombëtar i Praktikave të Punës! Mbi 1200 pozicione praktike në administratën publike
9 Korrik, 16:04 -
Rishikimi i ligjit ‘Për Rininë’, ministrja Muzhaqi në Lushnjë e Kuçovë: Reflektojmë sugjerimet e të rinjve
6 Korrik, 13:57 -
Rishikimi i ligjit ‘Për Rininë’, ministrja Bora Muzhaqi nis turin e konsultimeve
3 Korrik, 10:39 -
Nis rishikimi i ligjit ‘Për Rininë’, Bora Muzhaqi: Koha për të reflektuar mbi zhvillimet dhe kërkesat e të rinjve
14 Qershor, 10:45 -
Bora Muzhaqi në Vlorë: Përmbyllëm me sukses vitin e dytë të Programit Ekipet Sportive në Shkolla
2 Qershor, 17:36 -
Bora Muzhaqi në Bruksel: Politikat më të mira hartohen me të rinjtë për të rinjtë
31 Maj, 21:00 -
Java e Europës, Muzhaqi: Të rinjtë shqiptarë janë Europë!
9 Maj, 17:51 -
Muzhaqi në OKB: Shqipëria promovon barazinë gjinore, gjithë përfshirjen e aksesin në shërbime
4 Maj, 15:09 -
Një fundjavë plot aktivitete për të rinjtë e Sarandës
21 Prill, 17:54
