Kjo e Diel e Pashkëve është ndryshe nga çdo tjetër, miliona njerëz në mbarë botën po qëndrojnë në shtëpi, larg familjeve të tyre, kishave dhe komuniteteve, për të respektuar distancimin shoqëror për parandalimin e rritjes së infeksioneve nga Koronavirusi.
Të izoluar, të vetmuar, të pashpresë, dikush i prekur nga ky virus, e dikush në zi për humbjen e njerëzve të dashur për shkak të tij, sot bota ka më shumë se kurrë nevojë për mesazhe shprese, besimi dhe gëzimi se në fund të gjithë kësaj pandemia njerëzit do ja dalin dhe do të jenë më të bashkuar.
Pikërisht këtë mesazh uniteti dhe shpresë në këto kohë të vështira, përcolli përmes muzikës së tij Andrea Bocelli nga Katedralja historike e Duomos në Milano.
"Muzikë për shpresën" është cilësuar koncerti i Bocellit që u transmetua në kanalin e tij në youtube si "një lutje" për botën për të mos humbur shpresën.
Këngëtari i operës Andrea Bocelli performoi një kolazh me këngë të shenjta si "Ave Maria" dhe "Sancta Maria" në koncertin për Pashkët.
Artistët e filarmonisë së Teatrit 'La Scala' në Itali kanë uruar me muzikë 'Pashkë të Gëzuara'. Ndonëse këto Pashkë ishin ndryshe nga të tjerat, me kisha të boshatisura nga besimtarët dhe përqafime të munguara mes njëri tjetrit, artistët kanë përcjellë përmes muzikës thirrjen kumbuese se bashkë do ia dalim.
E famshmja 'Canone Di Pachelbel' ka ardhur nga këto artistë si mbështetje ndaj të gjithë atyre që festimet e Pashkëve i kanë zëvëndësuar me misionin e rëndësishëm, për të shpëtuar sa më shumë jetë nga virusi vdekjeprurës, Covid-19, mjekët, infermierët, forcat e rendit, emergjencat civile dhe të gjithë të tjerët që ndihmojnë ata që vuajnë.
Pashkët e 2020 do të jenë të paharruara... Koronavirus bëri që vendi i besimtarëve në kisha të mbetet bosh, po ndoshta i bëri njerëzit më të ndërgjegjshëm dhe më vlerësues ndaj rëndësisë së besimit. Bëri që zëri për dashurinë dhe jetën të buçasë edhe më fort.
Të shumtë kanë qenë ata që kanë uruar me art Pashkë të gëzuara, ndërkohë që dy artistët Jozef Bushi dhe Merald Shtalbi kanë zgjedhur një mënyrë mjaft emocionuese për të uruar këtë të diel të Pashkëve.
Ata kanë interpretuar në violinë dhe piano, me maska dhe të veshur në të bardhë 'Hallelujah' dhe e kanë ndarë në rrjetet sociale këtë video të shoqëruar me shprehjen e shenjtores shqiptare, Nënë Terezës: Mos lejo asgjë të të mbushë me aq pikëllim sa të harrosh lumturinë për ringjalljen e Krishtit!
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
