POP 5

Lajmet më të lexuara të 5 minutave të fundit

Kosova & Rajoni

Në janar, mbledhja e parë e
përbashkët Kosovë-Shqipëri

E paralajmëruar gjatë vizitës së parë të Edi Ramës si kryeministër i Shqipërisë, më 13 shtator 2013,mbajtja e kësaj mbledhjeje u konfirmua nga të dy kryeministrat në fund të dhjetorit.
TIRANE- Qeveria e Kosovës dhe ajo e Shqipërisë pritet që brenda janarit të zhvillojnë të parën mbledhje të përbashkët, në qytetin historik të Prizrenit.

E paralajmëruar gjatë vizitës së parë të Edi Ramës si kryeministër i Shqipërisë, më 13 shtator 2013,mbajtja e kësaj mbledhjeje u konfirmua nga të dy kryeministrat në fund të dhjetorit.

Ambicja e qeverisë së Shqipërisë, sikurse u shpreh Kryeministri Rama në konferencën për shtyp të fundvitit 2013, është një hartimi dhe funksionimi i një strategjie të përbashkët qeverisje me Kosovën, për t’i bërë kufijtë e padukshëm. Në këtë kuadër, Zoti Rama konfirmoi se  mbledhja e parë e qeverisë së Shqipërisë dhe asaj të Kosovës do të zhvillohet në janar 2014, ku pritet të akordohet edhe një fond për Preshevën. Në këtë mënyrë qeveria Rama pritet të përmbush zotimin për t’u ardhur në ndihmë shqiptarëve që jetojnë atje.

Ndërkohë kryeministri kosovar Hashim Thaçi në mbledhjen e fundvitit 2013 të qeverisë  që drejton tha se mbledhja e përbashkët do të zhvillohet javën e dytë të janarit.
 
Mbledhjen e përbashkët të dy qeverive e konfirmoi edhe Kryeministri kosovar Hashim Thaçi në mbledhjen e fundvitit 2013 të qeverisë  që drejton. Duke theksuar bashkëpunimin mes dy vendeve, Thaçi tha se mbledhja e përbashkët do të zhvillohet në javën e dytë të janarit.

Prej marrjes së postit si Kryeministër i Shqipërisë, në shtator të vitit tëkaluar, Rama vizitoi dy herë zyrtarisht Kosovën. Në vizitën e parë, në 13 shtator, Kryeministri Rama u takua në Prishtinë me krerët e shtetit të Kosovës dhe iu drejtua me një fjalë Kuvendit, ndërsa në 23 tetor mori pjesë në ceremoninë shtetërore të inaugurimit të terminalit të ri të Aeroportit Ndërkombëtar “Adem Jashari”.

Redaksia online
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55