MIRDITË- Qyteti i Rrëshenit ka festuar sot 65-vjetorin e krijimit të tij si qendër administrative në rrethin e Mirditës. Kjo ditë është festuar me aktivitet kulturore dhe panaire.
 
Me aktivitet të shumta ku kanë marrë pjesë Ministri i Shtetit për Çështjet vendore, Bledi Cuci, autoritetet vendore dhe të prefekturës, si dhe me qindra qytetar të Mirditës. Sipari i veprimtarive ka nisur me një panair me produkte tradicionale dhe historike të zonës.
 
Më pas të pranishmit kane vizituar një ekspozitë fotografike, ku ishin afishuar me dhjetëra foto te zhvillimeve në 65 vite të krijimit të tij.
 
Më pas aktiviteti është zhvendosur në sallën e Pallatit të Kulturës, ku të pranishmit kanë ndjekur një koncert festiv më kënge dhe valle Mirditore, ku krahas ansamblit të Mirditës, kanë përformuar edhe ansambli i shtetit.  

Redaksia online
(esh/shqiptarja.com)