“Na falni që ju prekëm plagët!” Poeti shqiptar fjalë zemre kundër shkrimtarit Handke

Poeti me origjinë nga Kosova, i quajtur Shqiptar Oseku, ka mbajtur një fjalim në manifestimin që është mbajtur kundër vendimit të akademisë suadeze për t’i thënë çmimin Nobel në letërsi, Peter Handke.

Pjesë e rrjetit suedezo-shqiptar, Oseku ka publikuar në Facebook edhe fjalimin e tij gjatë këtij manifestimi, duke e quajtur Handke si “apologjet i krimeve kundër njerëzimit”.

Oseku ka theksuar masakrën që është bërë në Kosovë nga Serbia në kohën kur Presidenti ishte Millosheviç, e për të cilin Handke në ceremoninë e varrimit të tij pat vlerësuar shumë lartë figurën e ish-liderit të Serbisë.

Fjalimi i tij:

Une quhem Shqiptar Oseku, jam poet dhe vi nga Rrjeti Suedezo-Shqiptar. Nuk kam ardhur vetem, jam me ambasadoren e Kosoves, me ambasadorin e Shqiperise, e ambasadoret e Bosnes, te Kroacise, te Turqise, qe refuzuan te hane buke e turp sonte. Ata zgjodhen sonte me mire te rrine me ne, ndaj ne u themi faleminderit. Nje falenderim edhe per organizatoret e ketij takimi, qe na mundesuan t’i dalim zot te vertetes sone, te vdekurve e te gjalleve tane.

Une vi nga Gjakova, nje qytet ne kufi me Shqiperine qe pesoi Bosnen e vet me 1999. Rruget e qytetit tim ishin si ato te Bosnes. Burra e gra te vrare, dhunime, femije e pleq te masakruar.

Por sonte ketu nuk dua te jem vec shqiptar. Sonte dua te jem edhe boshnjak. Dua te jem nga Sarajeva. Dua te jem nga Srebrenica. Nga Tuzlla. Nga Foca. Nga Jajce. Nga Bijelina. Nga Gorazhde. Sonte dua te jem nga cdo pellembe e asaj Bosne qe e mbyten ne gjak kriminelet te cilet i justifikon Peter Handke.

Sonte jam edhe suedez, pse jam qytetar suedez tash sa dekada. Jam ketu me vajzën time qe ka lindur ne Suedi. Dhe si suedez dua te them atë qe duhej ta thonte akademia suedeze sonte, sikur te mos ishte e mbytur ne relativizem moral. Dua te them se me vjen turp, sa turp. Dhe dua te ju them te gjitheve na falni: na falni qe ju prekem plaget.

Ceremonia e ndarjes së çmimeve Nobel, u bojkotua nga shumë vende, si Shqipëria, Turqia, Maqedonia, Kroacia, Bosnja dhe Hercegovina, e ndërsa më vlerësimin e shkrimtarit Handke ka pasur mjaft kritika nga personalitete të shquara në botë.

Shqiptar Oseku

  • Sondazhi i ditës:

    Mbrojtja e territorit, ju duket i drejtë dënimi deri ne 15 vite burg për ata që ndërtojnë pa leje?

Komento


×

Lajmi i fundit

John

'Si më ndodhi kjo?' Ja pse mund të prekeni nga COVID-19, edhe pasi jeni vaksinuar