POP 5

Lajmet më të lexuara të 5 minutave të fundit

Bota

Nancy Pelosi shtrohet në spital, pësoi një dëmtim gjatë një udhëtimi zyrtar në Luksemburg

Ish-kryetarja e Dhomës së Përfaqësuesve, Nancy Pelosi është shtruar në spital pasi “pësoi një dëmtim” gjatë një angazhimi zyrtar në Luksemburg, njoftoi zëdhënësi i saj.

Nancy Pelosi shtrohet në spital, pësoi një dëmtim gjatë një udhëtimi zyrtar në Luksemburg

Nancy Pelosi

Ish-kryetarja e Dhomës së Përfaqësuesve, Nancy Pelosi është shtruar në spital pasi “pësoi një dëmtim” gjatë një angazhimi zyrtar në Luksemburg, njoftoi zëdhënësi i saj.

Pelosi, 84 vjeçe, gjendej në Evropë për të shënuar 80-vjetorin e Betejës në Ardene, mes Belgjikës dhe Luksemburgut, në Luftën e Dytë Botërore.

Zëdhënësi i saj, Ian Krager, tha përmes një deklarate se zonja Pelosi “po merr trajtim të shkëlqyer nga mjekët dhe profesionistët e mjekësisë” dhe nuk është në gjendje të jetë e pranishme në pjesën e mbetur të ceremonive dhe takimeve të parashikuara në kuadër të vizitës së saj. Ai nuk dha ndonjë hollësi shtesë mbi dëmtimin që kishte pësuar zonja Pelosi. Zonja Pelosi “pret me padurim të kthehet së shpejti në shtëpi, në Shtetet e Bashkuara”, tha zëdhënësi Krager.

Nancy Pelosi, e cila u zgjodh për herë të parë në 1987 dhe shërbeu dy herë si kryetare e Dhomës së Përfaqësuesve, dha dorëheqjen nga posti dy vjet më parë, por qëndroi në Kongres dhe në nëntor u rizgjodh për të përfaqësuar qarkun e saj të San Franciskos.

Ajo ka qenë aktive përgjatë dy viteve të fundit, që kur la postin e lartë, duke punuar me demokratët larg syve të opinionit, si dhe publikisht, dhe duke marrë pjesë në ngjarje zyrtare.

Njoftimi për dëmtim të zonjës Pelosi vjen disa ditë pasi udhëheqësi i republikanëve në Senat, Mitch McConnell, u pengua dhe u rrëzua në Senat. Ai ndrydhi kyçin e dorës dhe pësoi një çarje në fytyrë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Shqiptari që ka ‘tërbuar’ Anglinë! ‘Daily Mail’: Jeta e të dënuarit për trafik njerëzish, që i kalon ditët duke luajtur golf dhe kryen më shumë krime

Shqiptari që ka ‘tërbuar’ Anglinë! ‘Daily Mail’: Jeta e të dënuarit për trafik njerëzish, që i kalon ditët duke luajtur golf dhe kryen më shumë krime

19 Janar, 22:58