Mediat italiane raportojnë se mesfushori shqiptar i Vitesse, Milot Rashica mund të transferohet në Serinë A, pasi është vendosur në radarin e Napolit.
Rashica shikohet nga Napoli i drejtuar nga Sarri si një përforcim i mundshëm në merkaton e verës, teksa në ekip do të gjente një tjetër shqiptar, Hysajn.
Ecuria e Rashicës po studiohet nga Drejtori Sportiv i Napolit, Giuntoli. Futbollisti i përfaqësueses Shpresa të Shqipërisë cilësohet si një përforcim ideal për klubin italian.
Milot Rashica pas paraqitjes te Vitese ka tërhequr vëmendjen e shumë ekipeve, pasi ka shënuar 7 gola këtë edicion.
Shqiptari nga Kosova, Rashica është përfshirë edhe në listën e 50 talentëve më të mëdhenj të futbollit botëror, për futbollistë deri në moshën 20-vjeçare.
d.b/shqiptarja.com