POP 5

Lajmet më të lexuara të 5 minutave të fundit

Kultura

Nata e dymbëdhjetë e Shekspirit elektrizon teatrin në Korçë! Regjisori grek: Aktorët profesionistë, përjetova sukses

 Fundjava e ditëve të nxehta të korrikut i është kushtuar teatrit në qytetin e Korçës. "Andon Zako Çajupi" është tejmbushur nga artdashësit të cilët shijuan performancën e “natës së 12-të” të Shekspirit

“Nata e dymbëdhjetë” e cilësuar si një nga veprat më të mira të Shekspirit u ngjit këtë fundjavë në teatrin "Andon Zako Çajupi".

Kjo komedi me regji të regjisorit të mirënjohur grek Dhimitris Milonas, në bashkëpunimin e parë me teatrin e Korçës rikthehet në qytet pas gati 60 vitesh.

“Thelbi i veprës qe unë sjell ne Korçe është gëzimi i jetës dhe mesazhi që do të kaloje tek njerëzit është qe pavarësisht problemeve, duhet qe te jetojmë çdo moment si te jete i fundit. Një jete kemi, të kalojmë sa me mire te jete e mundur, brenda dashurisë, gëzimit dhe lojës. Është hera e dyte qe vij ne Shqipëri dhe ky është bashkëpunimi i pare me teatrin e Korçës. Aktorët janë shumë te mire dhe publiku gjithashtu, e përjetova përsëri suksesin ne këtë vend”-tha ai.

Aktorët pjesëmarrës e konsideruan përvojë të veçantë vendosjen në skenë të kësaj komedie të shkruar rreth 400 vite më parë.

“Kjo ishte një sipërmarrje shumë e madhe për Korçën. Kemi pasur stres dhe grindje por në fund ja dolëm.”-tha Zamira Kita.

“Ka qenë një eksperiencë shumë e bukur, ishte një sfidë shumë e bukur për mua ti rikthehesha kësaj vepre pas shumë vitesh.”- tha Gent Hazizi.

E ftuar speciale në këtë komedi ishte aktorja e madhe shqiptare Luiza Xhuvani, ndërsa salla ishte tejmbushur nga artdashësit korçarë, duke konfirmuar se qyteti juglindor vijon të ruajë traditën e artit dhe kulturës.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51