NATO: Gati për mekanizmin e zgjidhjes së konfliktit greko-turk

NATO u shpreh sot e gatshme për të zhvilluar mekanizmin e zgjidhjes së konflikteve në marrëdhëniet greko-turke, ndërkohë që Greqia është në pritje të datës së rifillimit të dialogut me fqinjën e saj.

“Ne jemi të gatshëm të zhvillojmë më shumë mekanizmin e zgjidhjes së konflikteve në det dhe në ajër, gjë që lehtëson përpjekjet diplomatike”, deklaroi në Athinë sekretari i përgjithshëm i NATO-s, Jens Stoltenberg në përfundim të bisedimeve me kryeministrin grek, Kyriakos Mitsotakis.

Stoltenberg rikonfirmoi se kishte shpresë që mosmarrëveshjet midis dy aleatëve të mund të zgjidhen tashmë vetëm me negociata në një frymë solidariteti dhe sipas ligjit ndërkombëtar .

Athina dhe Ankaraja kohët e fundit ranë dakord të krijojnë një linjë të përhershme të drejtpërdrejtë për të shmangur rrezikun e aksidenteve dhe incidenteve në Mesdheun Lindor dhe për të ndihmuar në zgjidhjen e mosmarrëveshjeve midis dy vendeve.

Mitsotakis u shpreh i gatshëm për rifillimin e dialogut me Turqinë.

“Ne presim që një datë të vendoset menjëherë për fillimin e bisedimeve me objektivin e vetëm delimitimin e zonave detare në Deti Egje dhe në Mesdheun Lindor”, deklaroi ai.
 

TAG:
• nato
• jens stoltenberg
• Mesdheu Lindor
• Konflikti Greqi-Turqi