NATO konfirmon: Kosova ka leje
të krijojë Forcat e Armatosura
Forcat e Armatosura të Kosovës do të formohen me bekimin e NATO-s. media kosovare bëjnë të ditur lajmin, duke shtuar se çdo hap për kalimin e FSK-së në Forcat e Armatosura të Kosovës ka qenë i koordinuar me faktorin ndërkombëtar.
PRISHTINE- Forcat e Armatosura të Kosovës do të formohen me bekimin e NATO-s. Kështu bëjnë të ditur burime të "RTK-së", duke shtuar se çdo hap për kalimin e FSK-së në Forcat e Armatosura të Kosovës ka qenë i koordinuar me faktorin ndërkombëtar. Ndërkaq, në gjysmën e dytë të marsit do të fillojë aktiviteti diplomatik, përkatësisht takimet e krerëve të Kosovës me NATO-në rreth formimit të Forcave të Armatosura.
''Struktura, mandati dhe misioni i FSK-së nuk janë çështje e NATO-s për të vendosur. E ardhmja e FSK-së është çështje e brendshme e institucioneve të Kosovës”, thuhet në emaillin e zyrtarëve të NATO-s, dërguar "RTK-së".
Këtë qëndrim e kishte shprehur ditë më parë në një intervistë për "RTK-në" edhe ministri i FSK-së, Agim Çeku.
”Janë 4 vendet anëtare të NATO-së që nuk e përkrahin mirëpo ne kemi shumë më shumë miq se sa armiq dhe mendoj se do ta kemi mbështetjen e plotë e ndoshta edhe më të fuqishme të NATO-së në rrugën nëpër të cilën pritet të kalojë FSK-ja”, tha ministri Ceku.
Për faktin nëse do të ketë apo jo mbështetje FSK-ja për t`u shndërruar në Forca të Armatosur të Kosovës, zyrtari për media i NATO-s Matthias Eichenlaub (Ajeshnlaub) tha se:
”Nëse misioni dhe mandati i FSK-së evoluon, sipas të gjitha gjasave, duhet të presim që Këshilli Veri-Atlantik ta rishqyrtojë nivelin e angazhimit të NATO-s”. Në email poashtu thuhet se ”NATO-ja aktualisht është duke e mbështetur FSK-në brenda mandatit të saj origjinal, sikurse përshkruhet në planin gjithëpërfshirës për statusin e Kosovës të vitit 2007.
”Këto detyra po ashtu janë të definuara në ligjin për FSK-në prej nga është nxjerrë edhe qëllimi i misionit të FSK-së. Asistenca e NATO-s për FSK-në është e fokusuar në ndërtim të kapaciteteve dhe trajnim. Po ashtu lehtëson zhvillimin e vazhdueshëm profesional të FSK-së”, thuhet më tej në përgjigjen e zyrtarit të Nato-s.
Personalisht ministri Çeku beson fuqishëm se Institucionet e vendit kanë shënuar arritje dhe se ato janë në rrugë të mirë drejt integrimit në NATO, ndonëse sipas tij vendit i mbetën ende punë për të bërë në këtë drejtim.
Pas dy javësh pritet që kabineti qeveritar të votojë ndryshimin e mandatit, për t`u dërguar më pas Kuvendit për miratim. Ndërsa në javën e dytë të marsit do të fillojnë aktivitetet diplomatike jashtë vendit, përkatësisht takimet e krerëve të Institucioneve të Kosovës me NATO për kalimin e FSK-së në Forcat e Armatosura të Kosovës.
Sipas zyrtarëve qeveritarë, transformimi I FSK-së në Forcat e Armatosura të Kosovës pritet të përmbyllet në prill të këtij viti.
Marrë nga "RTK"
Redaksia Online
(e.s/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
22.8%
-
Njësoj
13.9%
-
Më keq
63.2%
Vota total: 3379
Votat totale janë unike
Lajme të tjera
-
Paris 2024/ Boksierja italiane bie në gjunjë dhe qan pasi e rrahu një 'mashkull biologjik': Nuk kam ndjerë kurrë një grusht aq të fortë (VIDEO)
1 Gusht, 15:39
-
Protesta e banorëve në aksin rrugor Librazhd-Elbasan, policia procedon 5 persona
1 Gusht, 15:38
-
Skandali me mikrokreditë! BSH reagon pas letrës së Begajt: S'kemi lejuar paligjshmëri! Kemi përmirësuar kuadrin rregullativ mbikëqyrës për blerjen e kredive me probleme
1 Gusht, 15:36
-
Paris 2024/ Turku 51-vjeçar trazon rrjetet sociale, i befason të gjithë me paraqitjen e pazakontë dhe fiton medaljen e argjendtë
1 Gusht, 15:24
-
Sezoni turistik! Italia ul çmimet për shkak të konkurrencës nga Shqipëria, “Corriere Della Sera”: Një shezlong kushton 10 euro në ditë
1 Gusht, 15:23
-
SPAK zbulon aktivitetin e organizatës kriminale të drejtuar nga vëllezërit Çopja në Elbasan: Kryen 6 vrasje e vjedhjen e 10 mln eurove në Rinas! Sekuestrohen 1 mln euro cash
1 Gusht, 15:17
-
Bloomberg: Rusia liron gazetarin amerikan Evan Gershkovich
1 Gusht, 15:07
-
Itali/ Traktori përmbyset dhe e zë poshtë, humb jetën fermeri shqiptar
1 Gusht, 15:06
-
AKU tërheq nga tregu djath mozzarella me datë të skaduar dhe vezë të lëngshme me salmonelë
1 Gusht, 15:00
-
FOTOLAJM/ U zgjodh kryetare Kuvendi, Elisa Spiropali merr ‘leksione’ nga Gramoz Ruçi
1 Gusht, 14:45
-
Goditet rrjeti i trafikut të drogës nga Ekuadori në Europë! ‘Koka’ e organizatës Dritan Gjika
1 Gusht, 14:43
-
Kineastë nga mbarë bota mbërrijnë në Prizren për “Doku-Fest”, 103 filma garojnë në 8 programe
1 Gusht, 14:41