POP 5

Lajmet më të lexuara të 5 minutave të fundit

Bota

Ndahen çmimet prestigjoze Pulitzer, vlerësim dy gazetarëve të burgosur në Myanmar

Një nga çmimet me prestigjioze në botën e medias dhe një nga vlerësimet më të larta që mund t'i jepet një gazetari. Çmimet u dhanë në 14 kategori apo zhanera të gazetarisë që nga raportimi investigativ, ai kritik dhe deri tek fotografia për lajmin e fundit.  Dy reporterë të Reuters të cilët janë të arrestuar dhe ndodhen në një qeli në Mayanmar gjithashtu u vlerësuan me çmimin Pulitzer për raportimin ndërkombëtar.

Në Nju Jork të SHBA-së janë shpallur pasditen e së hënës fituesit e çmimit Pulitzer. Një nga çmimet me prestigjioze në botën e medias dhe një nga vlerësimet më të larta që mund t'i jepet një gazetari. Çmimet u dhanë në 14 kategori apo zhanera të gazetarisë që nga raportimi investigativ, ai kritik dhe deri tek fotografia për lajmin e fundit.

Pulitzer janë dhënë edhe për zhanera të dramës, poezisë dhe muzikës. Këtë vit u dhanë gjithashtu edhe dy çmime të veçanta Pulitzer, i pari për redaksinë e gazetës Capital në Annapolis të Maryland-it, për mbulimin kurajoz të lajmit për të shtënat me armë në newsroom-in e kësaj gazete, nga ku 5 gazetarë prej stafit mbetën të vrarë dhe dy të tjerë u plagosën nga një person i armatosur. Ngjarja në Qershor 2018 tronditi SHBA si një nga krimet më të rënda ndaj gazetarëve në historinë e Amerikës. Ndërsa redaksia demonstroi përkushtim të palëkundur duke raportuar për tragjedinë edhe pse në momente të vështira pikëllimi.
 


Redaksia e gazetës Capital në Maryland. 
 

Çmimi i dytë special Pultizer iu dedikua këngëtares Aretha Franklin për kontributin e saj të pashlyeshëm në muzikën dhe kulturën amerikane për më shumë se pesë dekada. Franklin ndërroi jetë vjet në 16 gusht në moshën 76-vjeçare.
 


Aretha Franklin
 

Çmimet u prezantuan nga Administratorja e Pulitzer Dana Canedy dje nga Universiteti Kolumbia, Shkolla e Gazetarisë.

Dy reporterë të Reuters të cilët janë të arrestuar dhe ndodhen në një qeli në Myanmar gjithashtu u vlerësuan me çmimin Pulitzer për raportimin ndërkombëtar. Dy reporterët Wa Lone dhe Kyaw Soe Oo janë duke vuajtur një dënim prej 7 vitesh në një burg në Myanmar për "nxjerrje të sekretit shtetëror".
 


Dy gazetarët e Reuters Wa Lone dhe Kyaw Soe Oo

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29