Ndahen lekët për Partitë
PD merr 79 mln, PS 75.2 mln

Partia Demokratike do të marrë nga buxheti i shtetit gati 79 milionë lekë të reja për vitin buxhetor 2012, ndërsa Partia Socialiste do të marrë 75.2 milionë. Lëvizjes Socialiste për integrim I janë dhënë 11 milionë lekë, PDIU 8.2 milionë lekë, PBDNJ së Vangjel Dules 7.4 milionë lekë ndërsa Partisë Republikane 7.6 milionë lekë ndërsa Partisë Socialdemokrate 332 mijë lekë.

Vendimi u mor ditën e sotme në mbledhjen e Komisionit Qendror të Zgjedhjeve, ndërkohë që është parashikuar fondi prej 189 milionë lekësh sipas ligjit për Partitë Politike. Shpërndarja e parave bëhet 70% sipas numrit të deputetëve të fituar në zgjedhjet e fundit parlamentare, 20 përqind në mënyrë të barabartë ndërmjet partive parlamentare ndërsa 10 përqind sipas përqindjes së fituar ndërmjet partive politike që kanë marrë pjesë në zgjedhjet e fundit parlamentare.

Ndarja në Kuvend
Partia Demokratike 68 vende
Partia Socialiste e Shqiperise 65 vende
Levizja Socialiste per Integrim 4 vende
Partia Bashkimi per te Drejtat e Njeriut 1 vend
Partia Republikane 1 vend
Partia per Drejtesi dhe Integrim 1 vend

Paratë që përfitojnë partitë
Partia Demokratike 78.985.728 lekë
Partia Socialiste e Shqiperise 75.283.434 lekë
Levizja Socialiste per Integrim 11.045.574 lekë
Partia per Drejtesi dhe Integrim 8.214.462 lekë
Partia Bash.Drej. Njeriut 7.482.141 lekë
Partia Republikane 7.656.021 lekë
Partia Socialdemokrate 332.640 lekë
Totali 189.000.000 lekë

ah/Shqiptarja.com/