Ndahet nga jeta Sherif Merdani, Ruçi: Emancipoi këngën e muzikën shqiptare

Kryetari i Kuvendit, Gramoz Ruçi ka shprehur sot ngushëllimet për ndarjen nga jeta të këngëtarit të njohur Sherif Merdani. Ruçi shkruan se repertori i Sherif Merdanit ishte një simfoni e dashurisë e bukurisë njerëzore dhe se emancipoi muzikën shqiptare.

 “Sherif Merdani ishte një këngëtar dhe artist i madh, që i këndoi me dashuri jetës, dashurisë, nënës dhe gjithshkaje të bukur te njerëzit, shpirti dhe ndjenjat e tyre. Repertori i Sherif Merdanit është një simfoni e dashurisë dhe bukurisë njerëzore. Me artin e tij Sherif Merdani emancipoi artin, këngën dhe muzikën shqiptare. Për këtë kontribut emancipues, ky artist i madh vuajti dënime e sakrifikoi vite të tëra nga jeta e tij. Por këto vuajtje nuk ia ndrydhën talentin dhe nuk ia pakësuan fisnikërinë. Me këngët e Sherif Merdanit jemi rritur dhe ato do të vazhdojnë të frymëzojnë brezat e ardhshëm”, shkruan Ruçi.

Lajmi kryesor:

Arti në Zi! Ndahet nga jeta Sherif Merdani! Rama: Lamtumirë! Meta: Vuajti pse guxoi të jepte një dritë shprese! Basha: Zëri i tij kumboi fort në errësirën e regjimit

TAG:
• edi rama
• Ilir Meta
• erion veliaj
• lulzim basha
• gramoz ruçi
• kengetar
• ndahet nga jeta
• zhani ciko
• sherif merdani