Ndalimi i emigrantëve në Vjosë, 14 klandestinë u dërguan në QSUT me djegie në trup

1610144560_2.jpg

Report Tv mëson se disa nga sirianët e kapur mbrëmjen e djeshme kanë pësuar djegie në trup.

Rreth orës 3:30 të mëngjesit, në spitalin e Djegieve Plastike në QSUT kanë mbërritur 14 klandestinë, ku 12 janë të shtruar.

Nga të shtruarit, 4 janë në reanimacion ndërsa 8 në pavion. Dy klandestinët e tjerë nuk kanë probleme ndaj do të shoqërohen tek qendrat sociale. 

Reparti i Djegie-Plastikës në QSUT informon se në Repartin e Terapisë Intensive janë shtruar dhe po trajtohen 4 pacientë, ndër të cilët dy të rritur, një mashkull dhe një femër, si dhe dy fëmijë me plagë djegieje të rënda. Pacientët janë aktualisht në gjendje të stabilizuar dhe në monitorim, për parandalimin e komplikacioneve të mundshme me rreziqe potenciale për jetën e tyre.

Në pavijon janë shtruar 8 pacientë me plagë djegieje të mesme dhe të lehta. Aktualisht të stabilizuar, pa rreziqe evidente për jetën. Edhe këta pacientë janë nën trajtim mjekësor dhe në monitorim të vazhdueshëm.


Lajmi kryesor:

50 sirianët e kapur në Vlorë/ 3 trafikantët shqiptarë hidhen nga anija e rojes bregdetare dhe i zhduken autoriteteve! Arrestohet pronari i një hoteli në Tiranë, i strehoi


E.M./I.K./Shqiptarja.com
  • Sondazhi i ditës:

    Ngjarjet në Fier e Fushë Krujë, a jeni të shqetësuar nga situata e rendit dhe sigurisë publike?



×

Lajmi i fundit

John

Kapet kokainë në portin e Durrësit, u gjet në një kamion që ishte nisur drejt Italisë! Prangoset drejtuesi i mjetit