Tiranë/ Ndalohet një 23-vjeçar i shpallur në kërkim për dhunë, arrestohen edhe 4 persona të tjerë

TIRANË- Ndalohet një 23-vjeçar i shpallur në kërkim për dhunë në familje dhe kundërshtim e goditje të policisë në krye të detyrës. Gjithashtu janë arrestuar në flagrancë 4 persona të tjerë për vepra të ndryshme penale.

Personi  ndaluar është me iniciale E.H., pasi Gjykata e Shkallës Parë Tiranë, ka caktuar masën e sigurisë “Arrest me burg”, për veprën penale “Dhuna në familje”,dhe kundërshtim e goditje të policisë.

Gjithashtu është vënë në pranga E. K.,(L) 28 vjeç, pasi në rrugën “Kont Leopold Bertold” gjatë kontrollit fizik iu gjet dhe iu sekuestrua një sasi cannabis sativa.

LEXO EDHE:
Spanjolli u dënua për një cigare hashashi në Shqipëri: Avokati më kërkoi t’i jepnim 3 mijë euro prokurorit për lirimin

Kurse një 35-vjeçar me iniciale E. M. u arrestua në flagrancë gjatë kontrollit të ushtuar në subjektin në përdorim nga personi pasi u konstatua se matësi i energjisë elektrike, ishte i dëmtuar dhe nuk bënte matjen e energjisë elektrike të harxhuar.

 Po nga specialistët e Komisariatit të Policisë Nr.2, u bë arrestimi në flagrancë i M.D., 23 vjeç, pasi theu masën e sigurisë "Arrest në shtëpi" dhe u konstatua nga policia jashtë banese.

Kurse nga specialistët për Hetimin e Krimit në Komisariatin e Policisë Nr.5, u arrestua në flagrancë  L.K., 47 vjeç, sepse në mënyrë të vazhdueshme, ka ushtruar dhune fizike ndaj bashkëshortes së tij.

Sipas policisë, materialet i kaluan Prokurorisë së Rrethit Gjyqësor Tiranë, për veprime të mëtejshme.

TAG:
• Tirane
• kanabis
• Arrestime

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq