Ndarja e çmimeve të MTV-së, Rita Ora dhe Bebe Rexha shkëlqejnë në tapetin e kuq

Ceremonia e ndarjes së çmimeve të MTV-së ka përfunduar ditën e djeshme, ku yjet me famë botërore parakaluan në tapetin e kuq, ku nuk munguan as këngëtaret shqiptare Rita Ora dhe Bebe Rexha.

Rita Ora ishte veshur mjaft sharmante me një fustan të zi, nga brendi “Rodarte”. Po ashtu edhe Bebe Rexha kishte veshur fustan të zi, por ndryshimi nga Rita ishte se ajo i kishte duart e zbuluara dhe nuk mbante dorëza.

Po ashtu edhe yjet e tjerë me famë botërorë ishin të veshur me të zeza, pra mesa duket e zeza ishte ngjyra dominuese e tapetit të kuq për këtë vit.

Ky event ishte për të shpallur videoklipet më të mira, e cila ishte e organizuar në “Prudential Center” të Neë Jerseyt, sipas “Vogue”, shfaqi talentin e disenjatorëve, në një ndërthurje me artin muzikor.

Ceremonia u udhëhoq nga ylli Nicki Minaj, që arriti në tapetin e kuq e veshur me një fustan nusërie ngjyrë rozë të krijuar nga “Dolce & Gabbana”. Kritikët e modës e quajtën nusja “Barbie”.

Ekstravaganca muzikore ka një histori të prodhimit të momenteve të paharrueshme të modës, që nga veshja e bardhë me dantellë e Madonës në vitin 1984, deri tek pantallonat e ngjitura ngjyrë vjollcë të Lil Kim dhe në vitin 1999 dhe fustani nga mishi i Lady Gagas në vitin 2010.

S.S/Shqiptarja.com

TAG:
• rita ora
• bebe rexha