POP 5

Lajmet më të lexuara të 5 minutave të fundit

Ndarja nga jeta e Nishanit, Blinken: Do të mbesin kontributet e tij në marrëdhëniet SHBA-Shqipëri

Sekretari amerikan i Shtetit Antony Blinken ka reaguar për ndarjen nga jeta të ish-presidentit Bujar Nishani.

Ndarja nga jeta e Nishanit, Blinken: Do të mbesin kontributet e tij në marrëdhëniet SHBA-Shqipëri

Sekretari amerikan i Shtetit, Antony Blinken

TIRANË- Sekretari amerikan i Shtetit Antony Blinken ka reaguar për ndarjen nga jeta të ish-presidentit Bujar Nishani. Në një postim në llogarinë e tij në Tëitter, Blinken thotë se SHBA ndan dhimbjen me popullin shqiptar për ndarjen nga jeta të ish-presidentit. Ai thekson se Nishani ka luajtur një rol të rëndësishëm në forcimin e marrëdhënieve SHBA-Shqipëri.

“Ndajmë dhimbjen e popullit shqiptar për ndarjen nga jeta të ish-presidentit Bujar Nishani. Kontributet e tij në marrëdhëniet SHBA-Shqipëri dhe partneriteti ynë i qëndrueshëm do të lënë një trashëgimi të qëndrueshme", shkruan Blinken.

Ish-Presidenti i gjashtë i Republikës së Shqipërisë post-komuniste, Bujar Nishani, ndërroi jetë 2 ditë më parë, pasi prej javësh ishte i shtruar në një spital në Gjermani dhe kaloi në vdekje klinike pa mundësi rikthimi. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i kishte lënë në organizëm. Fillimisht, Nishani u shtrua në Senatorium dhe pas rehabilitimit të tij fillestar, ai u rikthye në spital për shkak se simptomat post-COVID i lanë me shenja pneumonie në mushkëri.

 Të afërm, miq e familjarë do i japin lamtumirën e fundit ish-presidentit Bujar Nishani, ditën e enjte në ceremoninë që do të zhvillohet në orën 10:00 te Pallati i Kongreseve. Trupi i pajetë i ish-kreut të shtetit do të mbërrijë nga Gjermania në atdhe ditën e nesërme, teksa ceremonia dhe më pas përcjellja për në banesën e fundit do të bëhet të enjten.


Lajmi kryesor:

Mbërrin nesër në atdhe trupi i ish-Presidentit Bujar Nishani! Homazhet do të zhvillohen për dy ditë në Presidencë, të enjten përcillet në banesën e fundit
B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

25 Dhjetor, 16:57