Gazetari dhe shkrimtari Mitro Çela ka ndarë një postim si një homazh për ndarjen nga jeta një ditë më parë të Skënder Halucit, ish-kryetarit të Gjykatës së Vlorës.

Në rrëfim, Çela thotë se në vitet e diktaturës, Skënder Haluci u arrestua në Tropojë me akuzën se donte të vriste presidentin e kohës, Ramiz Alinë. Më pas, dënimi me pushkatim iu fal duke e lënë për 25 vjet burg.

Gjatë kësaj kohe, i ati i ndërroi jetë në moshëm 46-vjeçare. Kur Haluci doli nga burgu dhe u bë gjyqtar, në vitin 1997 ishte gjyqi i Ramiz Alisë që përfundoi pikërisht në dorën e tij. Në këtë pikë, Haluci u spraps për të mos qenë ai gjykatësi i njeriut që i fali jetën.

Postimi i plotë:

-Sot ndërroi jetë Skënder Haluca. Vite më parë kam botuar një ese. Ishte mik i mirë-

Viti 1983.

Në Tropojë u arrestua Skënder Haluca. Akuza? Donte të vriste Ramiz Alinë.

Gjyq. Vendimi?

Pushkatim.

Dy ditë me skafandër në kokë. Pritej firma e Presidentit Alia...

Erdhi “fermani”: Falje.

Dënim. 25 vjet burg!

Skënderit në burgun e Burrelit i kishte vdekur edhe babai: - 46 vjeç.

Skënder Halucka doli nga burgu.

U bë gjyqtar.

Viti 1997. Ish Presidenti Alia në gjyq.

U hodhën goglat. Në trup gjykues edhe Skënderi.

...Dha dorëheqje.

-Nuk mund të gjykoj njeriun që më fali jetën!, Tha Skënderi.

Skënder Haluci u nda papritur nga jeta në moshën 64-vjeçare, teksa ndodhej me pushime me familjen në bjeshkët e Tropojës.

P.J/Shqiptarja.com
Sa e vlerësoni këtë artikull?
★ ★ ★ ★ ★
1.0 / 5 (1 vlerësim)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 9 Gusht, 17:40

    A mendoni se Shqipëria është e përgatitur për sezonin e zjarreve?

Lajme të tjera