POP 5

Lajmet më të lexuara të 5 minutave të fundit

Politikë

Ndërpritet gjykimi në Vlorë
Gjika përballje me 19 dëshmi

Zyrtarizohet transferimi i dosjes “Gjika” nga Vlora në Tiranë. Vendimi për kalimin e materialit hetimor në gjykatën e Tiranës, është marrë mesditën e djeshme nga gjykata e Vlorës.
TIRANE- Zyrtarizohet transferimi i dosjes “Gjika” nga Vlora në Tiranë. Vendimi për kalimin e materialit hetimor në gjykatën e Tiranës, është marrë mesditën e djeshme nga gjykata e Vlorës, e cila pasi është njohur me vendimin e Gjykatës së Lartë ka vendosur të ndërpresë gjykimin, dhe dosjen tia kalojë gjykatës së kryeqytetit. Që prej muajit Tetor kur 8 të pandehurit janë çuar në gjykatë si të pandehur, nuk është arritur të zhvillohet asnjë seancë gjyqësore, ku në disa raste kanë munguar të pandehurit, në disa të tjera dhe vetë avokatët e tyre. Pritet që brenda muajit Janar të zhvillohet seanca e parë gjyqësore ndaj të pandehurve, ku një tjetër trup gjykues do relatojë çështjen.Gjika do të përballet me 19 dëshmitarë të prokurorisë. Vendimi për transferimin e dosjes erdhi menjëherë pas kërkesës së prokurorisë së Vlorës, depozituar në Gjykatën e Lartë.

Vendimet e falcifikuara
Mbi kryebashkiakun e Vlorës Shpëtim Gjika rëndon akuza e “it të dokumentave” kryer në bashkëpunim. Gazeta “Shqiptarja.com”, publikoi në muajin Tetor, dy vendimet e Këshillit të Rregullimit të Territorit të Bashkisë së Vlorë, të cilat sipas prokurorisë së Vlorës ishin falsifikuar nga kryebashkiaku Shpëtim Gjika dhe Drejtoresha e Planifikimit Urban Eleni Dardhaj. Bëhet fjalë për vendimet nr.1 dhe 4, të datave 24 mars 2010 dhe 15 korrik 2010, ku gjatë mbledhjeve janë marrë 9 vendime, por në fakt asnjë vendim për miratimin e lejës ndërtimore për subjektet private.

Të 9 vendimet bëjnë fjalë për punime publike dhe në asnjë pikë nuk tregohet për dy kompanitë ndërtuese “Deco System” sh.p.k dhe “En-Bjo Sh.p.k”, që të kenë përfituar lejë ndërtimore. Sipas hetimeve të prokurorisë, këto dy kompani janë shtuar në mënyrë të qëllimshme poshtë dy vendimeve të mësipërme nga Shpëtim Gjika dhe Eleni Dardhaj, duke miratuar lejët ndërtimore pa i kaluar për diskutim në anëtarët e Këshillit të Rregullit të Territorit të Bashkisë Vlorë.

Kërcënimet
Vendimi për transferimin e dosjes penale nga Vlora në Tiranë, është marrë nga Gjykata e Lartë, e cila argumentoi se situata aktuale në Vlorë, nuk mund të siguronte një proces të qetë dhe normal. Ndërkohë në seancat e para gjyqësore, prokurorët e kanë ndjerë veten nën presion, kjo si pasojë e grumbullimit të militantëve të Gjikës, në ambjentet e gjykatës së Vlorës.

Vlorë, 68 kallëzime kundër Gjikës
Momentalisht në prokurorinë e Vlorës janë rregjistruar plot 68 kallëzime penale kundër kryebashkiakut Shpëtim Gjika. Këto kallëzime bëjnë fjalë për akuza si Falcifikim dokumentash, Shpërdorim detyre dhe pabarazi në tendera. Aktualisht prokuroria e Vlorës është duke kryer veprime hetimore për të zbardhur të vërtetën e këtyre kallëzimeve. Ndaj Shpëtim Gjikës prej disa kohës është ngritur zyrtarisht akuza e “Falcifikimit të dokumentave” parashikuar nga neni 186/3, i cili parashikon dënimin nga një vit deri në 7 vite burg dhe me gjobë nga pesëqind mijë deri në 2 milion lekë.

faksimile
                Në Foto: Faksimile e dy vendimeve të KKRT-së Vlorë të falsifikuara


 Shkrimi u publikua sot (09.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35