Ndërrojnë jetë 5 qytetarë nga COVID në 24 orët e fundit në vend, rezultojnë pozitiv me koronavirus 228 persona

5 qytetarë kanë humbur jetën si pasojë e COVID në 24 orët e fundit në vendin tonë. Sipas ministrisë së Shëndetësisë ka humbur jetën një qytetar nga Elbasani 57 vjeç, dy qytetarë nga Tirana të moshave 59-75 vjeç, një qytetar nga Fieri 77 vjeç, një qytetar nga Durrësi 82 vjeç. Nga 2370 testime të kryera, kanë rezultuar pozitiv me koronavirus 228 qytetarë. Aktualisht në spitalet COVID po marrin trajtim 144 pacientë, nga të cilët 10 janë në gjendje më të rënduar. Ndërsa në gjithë vendin janë 5235 pacientë aktivë me COVID19.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Sakaq janë shëruar 321 qytetarë gjatë 24 orëve të fundit, duke e çuar numrin e të shëruarve në 197,376 që nga fillimi i epidemisë.  Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë për të gjithë qytetarët +18 vjeç që kanë kaluar 6 muaj nga kryerja e dozës së dytë. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127. 

Qytetarë që kanë rezultuar pozitivë me COVID19, në këto bashki: 

87 në Tiranë, 23 në Vlorë, 12 në Durrës, nga 10 qytetarë në Fier, Berat, nga 8 qytetarë në Shkodër, Lushnje, 6 në Elbasan, nga 5 qytetarë në Kamëz, Gjirokastër, Kuçovë, nga 4 qytetarë në Mirditë, Kurbin, nga 3 qytetarë në Sarandë, Patos, Krujë, Lezhë, nga 2 qytetarë në Tropojë, Vorë, Divjakë, Përmet, Tepelenë, Devoll, Gramsh, nga 1 qytetar në Librazhd, Dimal, Cerrik, Korçë, Memaliaj, Këlcyrë, Konispol, Mallakastër, Dibër, Rrogozhinë, Kavajë, Shijak, Kukës, Pukë, Vau i Dejës.  

Statistika (19 Dhjetor 2021) 

Raste të reja ditore          228
Të shëruar në 24 orë       321
Të shtruar në spitale       144
Humbje jete në 24 orë     5
Testime ditore                 2370

Testime totale              1,438,741
Raste pozitive                205,777
Raste të shëruara          197,376
Raste Aktive                      5235
Humbje jete                      3,166

Shpërndarja gjeografike e rasteve aktive sipas qarqeve: 

Tiranë           2464
Fier                 619
Shkodër          363
Durrës             339
Gjirokastër     310
Elbasan           288
Berat               256
Vlorë                216
Lezhë               129
Korçë               125
Kukës               67
Dibër                59

M.Q./Shqiptarja.com

TAG:
• ministria e shendetesise
• koronavirus ne shqiperi
• Viktimat Covid