TIRANË- Arti shqiptar në zi! Konematografia shqiptare ka humbur mëngjesin e kësaj të diele një prej aktorëve më të mirë. Ai është Enea Zhegu, aktroi i njohur në filmin “Tomka dhe Shokët e tij", ku luajti luajti personazhin e “Tomkës”, i cili mbylli sytë përgjithmonë pasi vuante nga një sëmundje e rëndë.
Lajmi i trishtë për vdekjen e tij është bërë i ditur nga shumë prej të afërmve dhe miqve në rrjete sociale.
"U prehsh në paqe mik...Aktori i dashur i femijëve të kohës sonë Enea Zhegu", shkruan Anila Astrit Çobani.
"Ndonjëherë mjafton vetëm një rol që të kthehesh në legjendë. Tomka i dashur nga të gjithë, Tomka i lirisë, Tomka që ngriti peshë zemrat e të gjithëve, edhe për ata që e njihnin... veç nga ekrani. Do mbetet Tomka jonē simbol i brezit që kërkoi ndryshimin. Faleminderit qē na bëre të ëndërrojmë përmes Tomkës! R.I.P Enea Zhegu", ka shkruar Milena Selimi.
"Sa e trishtë është kjo ikja jote prej turravrapi në këtë fundpranvere o Artist i lindur, Enea Zhegu…! E luajte edhe dramën e ikjes pa kthim, njësoj si tek personazhet e roleve në filmat e tu aq të mrekullueshëm, kaq mbresëlënës, të cilat do të mbeten përgjithmonë të gjalla në kujtesën e publikut, të paharruara për të gjitha brezat. Ti ike duke bashkëudhëtuar në heshtje për vite me radhë, në një betejë me dhimbjen që të shkaktonte sëmundja tekanjoze e kapricioze, por asnjëherë dhe në asnjë çast nuk e lëshove veten, sepse jetove si qëndrestar stoik në përballje me atë flamë që pak nga pak kafshonte pjesë nga trupi yt vital…! Shpesh i padrejtë dhe i pamëshirë tregohet fati me Njeriun, por ti i shpërfille të dyja këto, sepse dite të ishe sfidant okatar dhe jetove si një artist i pazakontë deri sa dhe frymën e fundit… Por, e trishtë gjithsesi mbetet kjo ikja jote për të gjithë të afërmit, miqtë dhe adhuruesit e tu që i kishe pafund, kudo nëpër Shqipëri…. Lamtumirë Ena…. Pusho në Paqen tënde qetësinë e merituar…! R.I.P", ka shkruar Ilir Çumani.
Zhegu ka qenë pjesë e disa prej filmave më të famshëm shqiptar, si “Tomka dhe shokët e tij”, “Lulëkuqet mbi mur”, “Njeriu me top”, “Një jetë më shumë”, etj.
Komente
Ngushellime familjes nuk kthehen me ky brez aktoresh ????????????
PërgjigjuVdiq Tomka dhe Ziguri! Role dhe personazhe qe do frymezojne ne vite.
PërgjigjuNgushellime familjes, ,,,,rolet e tij jane te bukura ...
PërgjigjuNgushëllime familjes. Do ngelet i paharruar në brezat e fëmijve që u rritën me rolet e Tomkës.
Përgjigju