Paul Alexander, njeriu që, pasi i mbijetoi poliomielitit në fëmijëri, jetoi në një ‘’mushkëri hekuri’’ për më shumë se 70 vjet, ka ndërruar jetë.
Aleksander mund të linte ‘’mushkëritë e tij të hekurta’’ vetëm për disa orë dhe përdorte një shkop plastik me një stilolaps të lidhur në majë për të shkruar në një tastierë dhe për të komunikuar.
Në vitin 2020 ai publikoi historinë e tij të jetës në një libër të titulluar “Tre minuta për një qen”.
Sky News thekson se gjendja e tij thuhet se ishte përkeqësuar vitet e fundit, me një infeksion kronik të frymëmarrjes dhe dhimbje të forta në këmbë sa herë që lëvizte.
I njohur si “Polio Paul”, historia e tij ka udhëtuar nëpër botë ndër vite.
Ai u infektua me sëmundjen virale në verën e vitit 1952 kur ishte gjashtë vjeç dhe ishte i paralizuar nga qafa e poshtë.
Ai u dërgua me urgjencë në një spital të Teksasit dhe u zgjua brenda cilindrit metalik ku më pas kaloi pjesën tjetër të jetës së tij. Por mushkëria e hekurt nuk e ndaloi atë të ndiqte kolegjin dhe të bëhej avokat./ atsh
