POP 5

Lajmet më të lexuara të 5 minutave të fundit

Sociale

Ndërtimi i varrezave, banorët kundër bashkisë Lushnjë: Terreni është argjilor, toka e papërshtatshme! Peticion me 100 firma për Avokatin e Popullit e prefektin

Toka në varrezat publike të Lushnjës është ezauruar, ndërsa vendimi i bashkisë për të ndërtuar një varrezë të re në fshatin Allprenaj kundërshtohet nga banorët. Ata nënshkruan një peticion me 100 firma drejtuar Avokatit të Popullit dhe Prefektit

Bashkia e Lushnjës ende vijon të jetë në konflikt me banorët, të cilët kundërshtojnë ndërtimin e varrezave publike në fshatin Allprenaj, pasi hapësira në varrezën aktuale të qytetit është ezauruar.

Me vendim të këshillit bashkiak të vitit 2007 është vendosur që të ndërtohet në fshatin Allprenaj , në Rajonin nr.1 pranë Fabrikës së re të tullave.

Banorët rendisin arsyet se pse varrezat nuk mund të bëhen në këtë zonë.

“Ky terren është argjilor. Nëse gërmon më thellë këtu del argjilë.”- tha një banor

Ujrat e shiut nuk duhet të drejtohen drejt zonave të banuara. Në këtë rast ujërat e shiut shkojnë drejt zonave të banuara dhe I drejtohen Lushnjës, që e bëjnë më të rëndë.

Terreni nuk duhet të jetë argjilor sepse në dimër mban shumë ujë dhe nuk mund ta kryesh shërbimin funeral në një ambient me ujë. Përveç kësaj ujërat e kufomave se bëhet fjalë për 1200 të varrosur në vit, do të përzihen me ujërat e shiut dhe kur të vijnë njerëzit të kryejnë shërbesat funerale këtu do ta marrin njerëzit këtë ujin e ndotur dhe do ta çojnë në shtëpitë e fëmijët e tyre, Ndërsa në verë toka çahet.”

Kundërshtimi i banorëve ka shkuar dhe më tej! Mbi 100 familjare kanë firmosur një peticion drejtuar  Avokatit të Popullit, Prefektit të Qarkut dhe Kryebashkiakes.

‘I lutemi institucioneve të bëjnë punën e tyre dhe të konsultohen me një specialist.’- u shpreh një nga banorët.

Report Tv u interesua pranë bashkisë së Lushnjës, por askush nuk pranoi të prononcohej. Përfaqësuesit e banorëve deklaruan se do të dalin në protesta nëse nuk anulohet vendimi.

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34