Ndeshje e 'çmendur' në 'Air Albania'/ Tirana mund Kukësin dhe merr kreun e 'shumëpritur' (VIDEO-FOTO)

TIRANË- Tirana ka arritur që të ngjitet në krye të tabelës, pas një ndeshje shumë të rëndësishme ndaj Kukësit, ku bardheblutë fituan me rezultatin 2-1.

Në "Air Albania Stadium" u pa një ndeshje e "çmendur", ku nuk munguan golat, kartoni i kuq, spektakli i tifozëve, por edhe autogol. Gabimi i bërë nga Kristi Vangjeli në minutën e 53-të që shënoi autogol, vuri në vështirësi kryeqytetasit, por që e rregulluan në minutat në vazhdim. Ato shfrytëzuan edhe ndëshkimin me karton të kuq të Olsi Teqjes.

Pjesa e dytë foli për vendasit. Dy golat e shënuar nga Idriz Batha në të 84' dhe më pas Agustin Torassa vetëm dy minuta më pas, i dha fitoren e shumë dëshiruar e të besuarve të Emmanuel Egbo-së, që prej 8 ndeshjeve nuk njeh humbje dhe i ka rikthyer shkëlqimin e dikurshëm. 

Kështu, Tirana ngjitet për herë të parë për këtë sezon në krye të tabelës me 44 pikë, vetëm 2 pikë nga Kukësi i vendit të dytë, teksa kampioni në fuqi, Partizani mban vendin e tretë.

Goli i Kukësit

Goli i barazimit për Tiranën

Goli i fitores për Tiranën

Fotogaleri nga ndeshja

Tabela e Superligës

B.K./Shqiptarja.com

TAG:
• Tirane