POP 5

Lajmet më të lexuara të 5 minutave të fundit

Sport

Ndeshjet e sotme në Euro 2020, spikat derbi Angli-Skoci! Kroacisë nuk i lejohet hap fals ndaj Çekisë

Sot zbret në fushë grupi D i Euro 2020 që luan ndeshjet e dyta. Në mbrëmje spikat derbi britanik Angli-Skoci. Tre luanët me një fitore kalojnë më tej ndërsa Kroacisë nuk i lejohen hapa fals ndaj Çekisë. Në orën 15:00 luhet Suedi-Sllovaki.

Në grupin D të Euro 2020 sot luhen sfidat e dyta. Dueli që spikat është derbi britanik Angli-Skoci që do të luhet në Wembley duke nisur nga ora 21:00. Një ndeshje që premton spektakël ku Anglia nëse fiton siguron kualifikimin më tej pasi i ka tre pikë. Trajneri i “tre luanëve” Gareth Southgate e cilëson si një duel special mbi të gjitha për të dyja tifozëritë dhe jep lajmin e rikuperimit të mbrojtësit Maguire. Megjithatë mbrojtësi i United nuk pritet të jetë titullar dhe në fushë do zbresin ata futbollistë që mundën Kroacinë.I vetmi ndryshim do jetë në krahun e majtë ku Shoë pritet titullar ndërsa në sulm Foden e Sterling do luajnë pas shpinës së Harry Kane.

Skocia e humbi ndeshjen e parë në grupin D por nuk dorëzohet. Trajneri Steve Clark e sheh si një sfidë historike ku asnjë ekip nuk dëshiron që ta humbasë. Sërish skocezët do të presin më shumë nga dy lojtarët e tyre më të mirë kapiteni Robertson dhe mesfushori McTominay.

Në sfidën e orës 18:00 Kroacia luan sfidën e së vërtetës. Nënkamponët e Botës duhet të fitojnë patjetër ndaj Çekisë nëse duan të avancojnë pasi e kanë humbur ndeshjen e parë. Trajneri Dalic ka ndryshuar formacionin startues në 29 nga 30 ndeshjet e fundit që pas finales së Botërorit dhe sot po ashtu priten ndryshime për të shkuar tek fitorja.

Në kampin e çekëve objektiv kanë kalimin e grupit dhe diçka të tillë e thotë qartë edhe trajneri. Çekia e fitoi ndeshjen e parë 2-0 dhe nuk priten ndryshime në formacion. Patrick Schick pas dygolëshit fantastik ndaj skocezëve duket sikur e ka këmbën e “nxehtë” edhe për sfidën e sotme që luhet në “Hampden Park”./Pergatiti Andi Kapxhiu

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mbi 10 mijë emigrantë u mbytën këtë vit në tentativë për të shkuar në Spanjë

Mbi 10 mijë emigrantë u mbytën këtë vit në tentativë për të shkuar në Spanjë

26 Dhjetor, 16:59