POP 5

Lajmet më të lexuara të 5 minutave të fundit

Sport

Ndihma e qeverisë për FSHF-në, a shkuan 70 milionë lekët për pagën e Sylvinho-s?

Paga e brazilianit dhe stafit të tij për periudhën 18 mujore do jetë 1.1 milionë euro.

Ndihma e qeverisë për FSHF-në, a shkuan 70 milionë lekët për pagën e Sylvinho-s?

Trajneri Sylvinho gjatë prezantimit te kombëtarja

Në ditët e fundit të vitit të kaluar Këshilli i Ministrave akordoi një fond prej 70 milionë lekësh për Federatën Shqiptare të Futbollit, por pa specifikuar arsyen. Kjo shifër u dha pas propozimit të Ministrisë së Arsimit, ndërsa konkretisht thuhet ‘për mbështetjen e ekipit kombëtar të futbollit’. 

Mirëpo sot që Sylvinho është zyrtarizuar si trajner i ri i kombëtares aludohet se kjo shifër mund të ketë shkuar për brazilianin dhe stafin e tij, dy ndihmësat. Më herët është zbuluar se paga e drejtuesve të rinj për periudhën 18-mujore është 1.1 milionë euro dhe ka gjasa që FSHF të ketë kërkuar ndihmën e qeverisë për të mbuluar shpenzimet. Ndoshta jo më kot të dielën, para se zyrtarizohej, Sylvinho dhe stafi i tij u takuan me kryeministrin Rama.

Gjithsesi nuk përjashtohet mundësia që kjo ndihmë për federatën të përdorët për ndonjë qëllim tjetër.

“Nr. 894, datë 27.12.2022 PËR FINANCIMIN E FEDERATËS SHQIPTARE TË FUTBOLLIT, PËR MBËSHTETJEN E EKIPIT KOMBËTAR TË FUTBOLLIT

Në mbështetje të nenit 100 të Kushtetutës, të pikës 1, të nenit 13, të ligjit nr. 79/2017, “Për sportin”, të ndryshuar, të ligjit nr. 9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të ligjit nr. 115/2021, “Për buxhetin e vitit 2022”, të ndryshuar, me propozimin e ministrit të Arsimit dhe Sportit, Këshilli i Ministrave

1. Financimin, në masën 70 000 000 (shtatëdhjetë milionë) lekë, për financimin e Federatës Shqiptare të Futbollit (FSHF), për mbështetjen e ekipit kombëtar të futbollit.

2. Fondi i përcaktuar, sipas pikës 1, të këtij vendimi, transferohet në llogarinë e FSHF-së, në bankën e nivelit të dytë/ “Union Bank” sh.a., me numër llogarie 111141628020115, dhe përballohet nga buxheti i miratuar për vitin 2022, për Ministrinë e Arsimit dhe Sportit, përkatësisht, në llogarinë ekonomike 604 “Transferta të brendshme”, në programin buxhetor 08140 “Zhvillimi i sportit”.

3. FSHF-ja, brenda muajit janar 2023, të paraqesë në Ministrinë e Arsimit dhe Sportit planin e detajuar dhe të miratuar nga Asambleja e Përgjithshme e FSHF-së të veprimtarisë për të cilën do të përdoret ky fond.

4. Ministria e Arsimit dhe Sportit cakton një grup pune për mbikëqyrjen e realizimit të mbështetjes financiare të ekipit kombëtar të futbollit. Përbërja dhe detyrat e grupit të punës përcaktohen me urdhër të ministrit të Arsimit dhe Sportit.

5. Ngarkohen Ministria e Arsimit dhe Sportit, Ministria e Financave dhe Ekonomisë dhe Federata Shqiptare e Futbollit për zbatimin e këtij vendimi.

Ky vendim hyn në fuqi pas botimit në Fletoren Zyrtare.

KRYEMINISTËR Edi Rama,”-njoftimi i Këshillit të Ministrave.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46