Bëhet fjalë për miqësinë e ngushtë të këngëtares Dafina Zeqiri dhe stilistes nga Kosova, Lia Stublla. Të dyja vajzat njëherë e një kohë nuk ndaheshin nga njëra-tjetra por mesa duket gjërat ndryshuan.
E ftuar në emisionin e Rudinës ajo ka deklaruar se dikur ajo stilonte 60-70 veshje për koncertet e këngëtares e teksa thekson se miqësia e tyre përfundoi kur stilistja vendosi që Dafina Zeqiri të mos ishte më imazhi i kompanisë së saj.
E megjithatë ajo është shprehur që Dafina është një ndër këngëtaret më të suksesshme dhe se kompania e saj po shkon drejt suksesit.
![](https://shqiptarja.com/template/img/NO_ALFA_Kuadrate shqiptarja.png)
Ajo është shprehur: “Dafina momentalisht ka shumë sukses, ashtu siç edhe LS është duke pasur sukses. Kështu që po shijojmë sukseset ndarasi. Ne e ndihmuam njëra-tjetrën në kohën kur kishim nevojë.”
Kështu e ka përfunduar stilistja duke sqaruar njëherë e mirë marrëdhenien me Dafinën.
![](https://www.shqiptarja.com/template/img/sh_logo1.png)