POP 5

Lajmet më të lexuara të 5 minutave të fundit

Bota

‘Ndizen’ tensionet, Kina dërgon flotën me 71 avionë dhe 7 anije drejt Tajvanit

Kina ka dërguar një nga flotat e saj më të mëdha ajrore dhe 7 anije ushtarake në drejtim të Tajvanit. Kjo manovër kineze vjen kur amerikanët kaluan një ligj që parashikon armatosjen e Tajvanit me armët më speciale amerikane për vetëmbrojtje.

Është tensionuar këtë fundjavë situata në një nga ngushticat më të rëndësishme në botë që ndan Kinën dhe Tajvanin. Ushtria e Kinës dërgoi 71 avionë dhe shtatë anije në drejtim të Tajvanit për të treguar muskujt, tha të hënën ministria e Mbrojtjes e Tajvanit.

Për analistët e rajonit, ky veprim tregon nervozitetin e Kinës për ndihmën ushtarake amerikane ndaj vendit ishullor. Ngacmimi ushtarak i Kinës ndaj Tajvanit, për të cilin ajo pretendon se është territor i saj, është intensifikuar vitet e fundit dhe Ushtria Çlirimtare Popullore e Partisë Komuniste, ndërsa pothuajse çdo ditë ka anije apo aeroplanë që ndërhyjnë në hapësirën ajrore apo detare.

Amerikanët dhe kinezët janë përfshirë në një përballje të fortë tregtare, teksa edhe ngushtica në Tajvan është pikë e nxehtë mes dy palëve. Amerikanët e cilësojnë Kinën sfidë strategjike, ndërsa kanë filluar ndërtimin e aleancave më të forta në Indo-Paqësor. Kinezët ndërkohë kanë modernizuar dhe fuqizuar ushtrinë e tyre duke i kërkuar amerikanëve të mos përzihen në punët e brendshme në atë rajon.

Përgatiti për Shqiptarja.com, Sebastian Zonja

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ada: 26/12/2022 21:07

    Tajvani i perket KINES, PA DISKUTIM!

    Përgjigju
  • Diktature: 26/12/2022 11:04

    Nuk po len asgje ne paqe amerikanet ne cdo cep te globit flake po e ben do zoti digjen ne ferr maskarenjte e pashpirt

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58