Derbi i kryeqytetit Tirana-Partizani më në fund do të luhet. Të enjten më 12 mars në orën 19:00 në tapetin e ri të “Qemal Stafës” skuadrat legjendare do vihen përballë në një ndeshje që pritet të dhurojë gjithçka.
 
I parashikuar për tu luajtur më 27 shkurt dhe i shtyrë pasi tapeti i ri i stadiumit nuk ishte gati derbi prodhojë shumë polemika dhe debate. Por tashmë një gjë është e sigurt se të enjten do luhet. Kjo konfirmohet edhe nga faqja e Tiranës në Facebook por edhe nga Drejtori i stadiumit “Qemal Stafa” Eduard Prodani i cili i kontaktuar nga A1 Report shprehet se në vija të përgjithshme stadiumi është gati dhe do të mirëpresë derbin të enjten.

derbi partizani

Tirana kujdeset në rrjetet sociale të njoftojë tifozët për çmimet e biletave dhe daljen e tyre ne treg por ende nuk është vendosur. Bardheblutë fituan të dielën ndaj Kukësit pastër 2-0 në Durrës dhe vijnë më të fortë në derbi. Ndërsa për Partizanin kjo ndeshje është jetike pas humbjes në Shkodër. Diferenca me bardheblutë është vetëm 3 pikë por të kuqtë janë plot 7 pikë nga Skënderbeu i vendit të parë. Trajneri Duro shprehet realist kur thotë se derbi është shansi i fundit për skuadrën e tij.

derbi partizani

Derbin e fundit e ka fituar Partizani ndërsa të enjten pritet një atmosferë e mrekullueshme nga tifozëritë e të dyja skuadrave. Tifozët patjetër presin edhe një ndeshje të mirë nga futbollistët pasi terreni i ri e lejon edhe më shumë spektaklin. Deri të enjten atmosfera do ndizet më shumë edhe pas deklaratave në media të protagonistëve.

derbi partizani

Redaksia Online
(Gre.M/Shqiptarja.com)