TIRANE - Deputeti më i ri i Kuvendit të Shqipërisë Eduard Ndocaj është caktuar anëtar në komisionin parlamentar të Veprimtarisë Prodhuese, Tregtinë dhe Mjedisin. Vendimi është marrë nga kryetari i Kuvendit Ilir Meta dhe hyn në fuqi menjëherë.

Ndërkohë deputetja Mesila Doda me dorëheqjen nga Partia Demokratike dhe kalimin si deputete e pavarur është caktuar anëtare e komisionit për Punën, Cështjet Sociale dhe Shëndetësinë.

Të gjithë deputetët e Kuvendit të Shqipërisë janë anëtarë të përhershëm në një nga komisionet kuvendore ku diskutohen projektligjet para se të kalojën për votim në sallën e Parlamentit. 

Redaksia Online
(Gre.M/Shqiptarja.com)