POP 5

Lajmet më të lexuara të 5 minutave të fundit

Politikë

Ndoka: Poli i Qendrës, dhe
me të tradhëtuarit e Ramës

Poli i Qendrës i spektrit politik shqiptar pritet të marrë formën përfundimtare në prag të zgjedhjeve për pushtetin vendor, të cilat sipas ligjit dhe detyrimit kushtetues do të zhvillohen në pranverën e vitit 2015.
Ndoka: Poli i Qendrës, dhe<br />me të tradhëtuarit e Ramës
TIRANE- Poli i Qendrës i spektrit politik shqiptar pritet të marrë formën përfundimtare në prag të zgjedhjeve për pushtetin vendor, të cilat sipas ligjit dhe detyrimit kushtetues do të zhvillohen në pranverën e vitit 2015. Një iniciativë të tillë politike e konfirmon dhe kreu i Partisë Demokristiane Nard Ndoka, teksa nënvizon faktin se kanë filluar kontaktet me një spektër të gjërë partish politike të të gjithë krahëve që mendohet të përbëjnë dhe boshtin e këtij grupimi politik, në përpjekje për të mbijetuar në politikën shqiptare. “Jemi në kontakte të vazhdueshme për konturimin e grupit politik të qendrës i cili do të quhet dhe Poli i Qendrës, dhe që do të jetë i barazlarguar nga ekstremet e politikës shqiptare. Një iniciativë e tillë pritet të formatohet plotësisht në prag të zgjedhjeve vendore të pranverës së vitit 2015”, deklaroi për gazetën “Shqiptarja.com” kreu i Partisë Demokristiane Nard Ndoka.

Sipas tij, në fillim do bëhet bashkimi i të gjithë demokristianëve në një parti dhe sigël të vetme, për të zënë vendin e merituar në spektrin e politikës shqiptare. “Faza e parë e krijimit të qendrës së politikës shqiptare do të jetë bashkimi i të gjithë faktorit demokristian në një parti të vetme dhe nën siglën e PDK. Për këtë jemi të gjithë në parim dakord, dhe kanë avancuar bisedimet me kreun e ADK Zef Bushati, me pasuesit e Nikolle Lesit tek LDK, por dhe me kreun e PKDSH Mark Frroku”, është shprehur Ndoka. Për të cilin të bashkuar dhe me aleatët e duhur demokristianët mund të shënojnë një rezultat surprizë në zgjedhjet vendore të pas dy viteve.

Njëherësh ai ka bërë prezente dhe fazën e dytë të konturimit të grupimit politik të qendrës, teksa ka nënvizuar se do marrë si parti të djathta, të qendrës ashtu dhe parti të majta të pakënaqura nga vendi që u ka dhënë Rama në bashkëqeverisjen e vendit. “Kemi kontaktuar me disa krerë të partive politike, që janë të spektrit politik të djathtë dhe tqë qendrës. Por nuk kanë munguar dhe kontaktet me partitë e spektrit politik të majtë. Kryesisht me parti të majta të cilat ndjehen të tradhëtuara prej kryeministrit Edi Rama. Përgatitjet janë që të realizohet përpara zgjedhjeve për pushtetin vendor”, është shprehur dje kreu demokristian Nard Ndoka. Që nuk ka munguar të shprehë besimin për formatimin e një nisme të tillë.
 
 Shkrimi u publikua sot (26.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04