POP 5

Lajmet më të lexuara të 5 minutave të fundit

Sociale

Ndotja alarmante e lumit Ishëm, ‘mbytet’ nga shishet plastike dhe mbetjet urbane! Inxhinieri i mjedisit: Rrezik për jetën e banorëve

I pushtuar nga mbetjet plastike dhe urbane Lumi Ishëm vuan prej dekadash problemin e ndotjes. Çdo vit jeta e banorëve përgjatë basenit të lumit është në rrezik sidomos në kohë shirash për shkak të përmbytjeve. Inxhinieri i mjedisit Abdulla Hasanaj bën apel pushtetit vendor që të investojë për ngritjen e një sistemi filtrimi dhe rehabilitimin e lumit.

Më shumë se një lumë ku rrjedh uji i pastër, Ishmi i ngjan një kanali të ujërave të zeza. Prurjet e lumit pas reshjeve kanë lënë sjellë plehra të shumta që sot i shohim të varura në degët e pemëve.

Ndotja ka ardhur në përkeqësim duke qenë një rrezik i vazhdueshëm për jetën e banorëve që jetojnë përgjatë basenit të këtij lumi. Për inxhinierin e mjedisit Abdulla Hasanaj më shumë se 70 % e ndotjes vjen nga mbetjet urbane dhe plastike të kryeqytetit dhe depozitimi i mbetjeve kimikate të firmave farmaceutike e fasoneri.

“Pothuajse 70 % e ndotjes vjen nga Tirana. Janë fenomene që vijnë me mbetje urbane si plastikë, mbetje, ushqimore dhe inerte  për të cilën mund të themi se është një problematikë madhore i qeverisë shqiptare dhe i ADZM . Është një problematikë madhore dhe i ADZM Durrës, që të përmirësojmë situatën në këtë rrjedhje të lumit”, thotë ai.

Lumit nuk i ka mbetur asnjë gjallesë, ndërsa fenomeni më tragjik sipas inxhinierit të mjedisit është edhe mosndërgjegjësimi i banorëve që depozitojnë prej vitesh plehrat në brigjet e lumit. Hasanaj e vë theksin tek nevoja urgjente e pushtetit vendor për ngritjen e një sistemi filtrimi për rehabilitimin e lumit Ishëm.

"Duhen investime kolosale për të krijuar pritjet e mbetjeve urbane dhe përpunimin e mbetjeve që rezultojnë në derdhjet e Lumit Ishëm. Duhet vëmendja e pushtetit vendor dhe qendror të institucioneve të tjera se është një resort turistik por që ndotja e ka mposht”, vijon ai.

Problematika e trashëguar prej dekadash e Lumit Ishëm është lënë prej vitesh jashtë vëmendjes së Agjencisë e Mjedisit dhe Bashkisë së Krujës. Një prej lumenjve kryesorë të Shqipërisë Ishmi, formohet nga bashkimi i Lumit të Tiranës dhe përrenjve Tërkuza e Zeza, gjarpëron nëpër fshatrat e Tiranës e Krujës dhe përfundon në Adriatik.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ermali: 26/02/2023 19:11

    se e pastron kadriu

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01