POP 5

Lajmet më të lexuara të 5 minutave të fundit

Kronikë

Ndotja e Kurum,në Balldre e Vidhas
në 10 vite, 80 të vdekur nga kanceri

ELBASAN/ Pasojat më të rënda nga ndotja industriale në Elbasan i kanë sidomos fshatrat në pjesën e poshtme të ish kombinatit metalurgjik. Për shkak të vendosjes në gropë, dy fshatra janë më të ekspozuara ndaj ndotjes. Balldreni ndodhet shumë pranë industrisë së rëndë dhe pak më tej edhe fshati Vidhas.  VIDEO
Ndotja e Kurum,në Balldre e Vidhas<br />në 10 vite, 80 të vdekur nga kanceri
ELBASAN - Pasojat më të rënda nga ndotja industriale në Elbasan i kanë sidomos fshatrat në pjesën e poshtme të ish kombinatit metalurgjik. Për shkak të vendosjes në gropë, dy fshatra janë më të ekspozuara ndaj ndotjes. Balldreni ndodhet shumë pranë industrisë së rëndë dhe pak më tej edhe fshati Vidhas.

Statistikat tregojnë se në 10 vjet në këto dy fshatra kanë vdekur rreth 80 veta nga kanceri dhe 17 persona nga sëmundjet kancerogjene që lidhen kryesisht me ndotjen. Drejtuesja e qendrës shëndetësore, Besa Zhupa, që gjithashtu banon pranë metalurgjikut thotë se e shqetësuar ajo vetë ka mbajtur statistika dhe ka vënë re që ndotja sjell pasoja tek këta banorë. 

“Nëse unë do të një bilanc gati 10 vjeçar që kam punuar në këtë zonë shoh që kanceri i mushkërisë është goxha i shprehur dhe nëse unë bëj një bilanc për vdekjet që kanë ndodhur nga kanceri i mushkërisë janë gati 12 raste që shumica janë në Balldren, disa kancere të stomakut në Vidhas kryesisht.” tha Zhupa

Por tregues të pasojave të ndotjes nuk janë vetëm të vdekurit nga kanceri, por edhe pacientët që jetojnë me sëmundjet që vijnë nga ajri i ndotur. Mjekja Zhupa tregon se azma bronkiale është një sëmundje që vjen dhe ndikohet shumë nga ndotja e mjedisit. Madje ajo tashmë e ka provuar këtë gjë në rastin e largimit të pacientëve nga vendi ku jetojnë në një vend tjetër.

“Shoh që sëmundja azmo-bronkiale është më e shprehur në Balldren nga 9 raste që unë ndjek çdo muaj 6 raste i kam në Balldren dhe dy raste në Vidhas, mirëpo nëse pacienti im largohet nga Balldreni dhe ikën diku tjetër për një periudhë të paktën një mujore sheh ndryshimin në gjendjen e tij fizike.” tregon ajo

Këta banorë veç kancerit janë të destinuar të kalojnë sëmundje nga më të ndryshmet dhe si shkak vetë mjekja e kësaj zone quan sërish ndotjen.
Ata që I ndjejnë drejtpërdrejt pasojat e ndotjes sa herë që marrin frymë janë personat që vuajnë nga azma bronkiale. Frymëmarrja e vështirë tregon se si të sëmurat kryesisht gra jetojnë çdo ditë me mjekim.

Fshatrat Balldren dhe Vidhas në komunën Papërr të rrethit të Elbasanit kanë së bashku rreth 20 mijë banorë dhe numri i madh i të vdekurve nga kanceri bën që çdo ditë ata të përballen me dilemën për tu larguar dhe pamundësinë për të ndërtuar jetën larg ndotjes që shkakton çdo ditë industria e rëndë.

Redaksia Online
(e.c/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51