Ndotja masive nga shtëllungat e tymit pas zjarrit në ‘Kurum’, bashkia e Elbasanit: Kushdo që e shkaktoi, do mbajë përgjegjësi

 

Bashkia e Elbasanit ka reaguar për zjarrin që përfshiu firmën “Kurum” gjatë ditës së djeshme. Duke theksuar se zjarrfikësit kanë punuar për 15 orë për shuarjen e flakëve, bashkia bën thirrje që të vijohen hetimet për gjetjen e përgjegjësve që shkaktuan ndotje masive për qytetarët e Elbasanit. 
 

"Paraditen e së hënës, në stacionin zjarrfikës të Elbasanit është njoftuar për një zjarr të shfaqur pranë zonës së ish Kombinatit Metalurgjik. 
Menjëherë ekipet tona kanë shkuar në vendngjarje. Zjarri kishte përfshirë pikën e grumbullimit të skrapit pranë një biznesi privat që operon në zonën e metalurgjikut. 
Për më shumë se 15 orë luftë me flakët ekipet tona, të ndihmuara nga bashkitë fqinje dhe emergjencat civile kanë bërë të mundur vënien nën kontroll të flakëve, ndërkohë ende po punohet për eleminimin e shkarkimeve të tymit.
Edhe pse ndërhyrja e ekipeve tona zjarrfikëse, me të gjithë kapacitetin e mjeteve dhe burimeve njerëzore mbetet për t'u lavdëruar, shqetësim përbën faktit i shkarkimeve të dëmshme në ajër.
Tashmë që faza e emergjencës ka kaluar Kryetari i Bashkisë ka kërkuar nga të gjitha institucionet përgjegjëse të hetojnë deri në fund për shkaqet dhe pasojat e kësaj ngjarje. 
Që prej ditës së djeshme Z. Llatja ka qenë në kontakte të vazhdueshme me të gjitha institucionet për të bashkëpunuar për zbardhjen e plotë të shkaqeve të zjarrit dhe pasojave. 
Kushdo që për orë të tëra shkaktoi ndotje masive për qytetarët e Elbasanit duhet të mbajë përgjegjësit përkatës"-thuhet në reagimin e bashkisë. 

LEXO EDHE:
Plas sherri në lokalin në Elbasan, pasi pinë alkool, 3 të rinjtë rrahin të miturin! Kamarieri dhunon 18-vjeçarin! Në hetim pronari

Lajmi kryesor:

Elbasan, shuhet zjarri në pikën e grumbullimit të skrapit, prokuroria nis hetimet ndaj firmës ‘Kurum’ për ndotje të mjedisit

B.V/Shqiptarja.com

TAG:
• Elbasan
• KURUM
• zjarr