POP 5

Lajmet më të lexuara të 5 minutave të fundit

Ndotje alarmante e ajrit nga fabrika e bitumit në Tepelenë, Inspektorati i Mjedisit ‘harron’ të kontrollojë kompaninë ‘Cobial’

Fabrika e prodhimit të asfaltit në Tepelenë po shkakton ndotje masive të ajrit. Nis nga shqetësimi i banorëve, Report Tv iu drejtua Inspektoratit Shtetëror të Mjedisit. Drejtuesi, Denis Vogli pranon se kompania "Cobial" nuk është kontrolluar prej 6 muajsh, por me marrjen e sinjalizimit do të nisë inspektimi për filtrat e ajrit.

Në afërsi të fshatit Majkosh, bashkia Tepelenë ndodhet impianti që përpunon inertet dhe bitumin që shërben për shtrimin e rrugëve. Banorët kanë shprehur shqetësim për ndotjen e ajrit. Ata kanë kërkuar ndihmë nga bashkia e Tepelenës por s’kanë marrë përgjigje.

Në çdo orë të ditës, oxhaku çliron tym që mbulon jo vetëm Tepelenën por edhe në Memaliaj. Ata që pësojnë dëmet më të shumta janë banorët e fshatit Majkosh.

"Shqetësuese shumë, s’ka ku shkon më. Plus kësaj aty tutje digjen dhe mbeturinat e qytetit. Ne jemi fshat në harresë, pa ujë, pimë ujë pusesh, jemi pa xhade".

Ne probleme kemi, jemi ankuar dhe s’kemi marrë zgjidhje. Unë jam më afër nga të gjithë nga fabrika... dhe nuk ka zgjidhje, ku të ankohemi?! Një pjesë e banorëve janë punësuar aty dhe nuk ndihen".

Është një problem i madh. Krijon tym, për tokat për bujqësisë. Vjen tymi kur hapim dritaret, e kështu që mirë s'e kemi..."

Siç shihet në pamje, e gjithë lugina e Vjosës është e prekur nga reja e tymit qe çlirohet nga fabrika e prodhimit te bitumit.

Fabrika ushtron aktivitetin në bazë të lejes mjedisore të tipit B, ndaj është e detyruar të vendosë filtra ajri. I kontaktuar nga Report TV, Drejtuesi i Inspektoratit të Mjedisit për rajonin e jugut, Denis Vogli pranon se prej 6 muajsh nuk është kryer asnjë kontroll në subjektin "Cobial".

"Për këtë subjekt nuk është kryer inspektim 6 muajt e fundit, por pas sinjalizimit do të nis një grup inspektoresh dhe nëse evidentohen problematika do te merren masa nga gjobë deri në heqje licence", u shpreh Vogli.

Kompania "Cobial" në pronësi të treshes, Ergest, Qemal dhe Alfred Pazaj prodhon asfalt për shtrimin e rrugëve, së fundmi ka fituar tenderin për aksin e vjetër të rrugës "Fier-Vlorë" me vlerë 7 milionë euro.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gezim: 20/09/2022 18:29

    Po si sju vjen turp qe genjeni , firma ne fjale eshte firma me e regullt ne tepelene , ka punesuar rreth 100 familje tepelenase dhe nga zona perreth , po me vjen keq se hallin duhet ta keni gjetke , rrezik dikush nga konkurenca paguan te prishe imazhin e kesaj firme serioze , kjo seshte shume korrekte nga ana e juaj si tv

    Përgjigju
    • Lala: 21/09/2022 07:49

      Ore Firma puneson njerez she esht normale.po PSE thuaj QE genjejn per ndotjen Kur e ke me Video tymrat QE shkakton

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57