POP 5

Lajmet më të lexuara të 5 minutave të fundit

Politikë

Ndryshimet Kushtetuese, Basha: Të domosdoshme! Do pasohen nga një paketë e plotë që do të kufizojnë dhe garantojnë ndarjen e pushteteve

Kreu i PD-së, Lulzim Basha thotë se ndryshimet kushtetuese të propozuara prej tyre janë vetëm hapi i parë që do të pasohet nga një paketë e plotë për të kufizuar dhe garantuar ndarjen e pushteteve.

Ndryshimet Kushtetuese, Basha: Të domosdoshme! Do pasohen nga një paketë e plotë që do të kufizojnë dhe garantojnë ndarjen e pushteteve

Lulzim Basha

Kreu i PD-së, Lulzim Basha i ka konsideruar edhe njëherë ndryshimet Kushtetuese të propozuar nga PD si të domosdoshme për të rikthyer demokracinë në vend.

Me një postim në Facebook, ku ka publikuar një video të një deklarate të mëparshme të tij, Basha thotë se ndryshimet e propozuara janë vetëm hapi i parë që do të pasohet nga një paketë e plotë për të kufizuar dhe garantuar ndarjen e pushteteve.

"Ndryshimet kushtetuese janë të domosdoshme për t’u rikthyer te demokracia, te ndëshkimi i korrupsionit në nivele të larta dhe te ndarja e politikës nga krimi. Ky është vetëm hapi i parë, ai do të pasohet nga një paketë e plotë ndryshimesh kushtetuese që do të kufizojnë dhe garantojnë ndarjen e pushteteve për t’i hapur Shqipërisë rrugën drejt BE-së", thotë Basha.  

Kujtojmë se Partia Demokratike ka depozituar në Kuvend tre amendamentet që synojnë ndryshimet në kushtetutë që përfshijnë një reformë të re zgjedhore dhe territoriale, si edhe vettingun e politikanëve. Ndryshimet fokusohen në zhbërjen e ndryshimeve kushtetuese të 30 korrikut 2020, rikthimi i koalicioneve parazgjedhore dhe  rikthimi i komunave në ndarjen territoriale me funksionin e saj.

PD propozon që të përjashtohen nga e drejta e për t’u zgjedhur shtetasit që janë dënuar me burgim, me vendim përfundimtar të formës së prerë, për kryerjen e një krimi, ose shtetasit që kanë kontakte të papërshtatshme me persona të përfshirë në krimin e organizuar, ose pasuri të pajustifikuar ligjërisht, sipas rregullave të përcaktuara me ligj të miratuar me tri të pestat e të gjithë anëtarëve të Kuvendit.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01