Ndryshimi i emrit si ka qënë
dhe si bëhet sot, ja procedura

TIRANE- Disa deputetë dhe funksionarë të lartë të shtetit kanë arritur të ndryshojnë emrin ose mbiemrit për të patur një CV të pastër. Kjo është arsyeja që sot Parlamenti po diskuton çështjen e dekriminalizimit, pasi shumë funksionarë janë në poste kyçe për shkak se emri i tyre nuk ekziston si person që ka kryer një vepër penale brënda apo jashtë Shqipërisë.

Ndërkohë që gjithë politika po diskuton çështjen e dekriminalizimit, si është arritur të ndryshohen të dhënat e Gjendjes Civile dhe si ndryshohen sot?

Ja 9 pergjigjet që shpjegojnë gjithë procesin e ndryshimit të emrit apo mbiemrit.

Sa është numri i personave që i është ndryshuar emri dhe a ka një regjistër të veçantë për këta persona?
Sekretari i Përgjithshëm i Ministrisë së Brendshme Genc Gjonçaj thotë se numri i personave që i është ndryshuar emri përgjatë 2015-s është 0. Kjo sipas Gjonçajt për shkak të ndryshimeve ligjore që janë bërë ku një individ e ka thuajse të pamundur për të ndryshuar emrin ose mbiemrin. “Procedura për ndryshim është thuajse e pamundur.