Ndrysho ngjyrën
e syve në 20 sekonda

Një mjek ka deklaruar se është i aftë të ndryshojë ngjyrën e syve të një personi, në mënyrë permanente, brenda 20 sekondave.

Dr Gregg Homer, në Kaliforni tha se teknologjia “Luminieyes” përdor një lazer me një frekuencë specifike, për të kthyer sytë ngjyrë kafe në blu.

Energjia e lazerit eliminon pigmentin kaf, domethënë melaninën, nga shtresat sipërfaqësore të Iridës, ngjyra blu shfaqet pas dy javësh.

Zbulimi mund të jetë një alternativë e mirë për ata që përdorin lentet e kontaktit për të pasur një ngjyrë më të bukur.

Procedura e zhvilluar nga Dr Homer, të cilit iu deshën 10 vite për ta përmirësuar, është e përhershme dhe nuk mund të ndryshohet.

Procedura po testohet mbi njerëzit dhe sipas Dr Homer, brenda 18 muajsh do të kryen operacione jashtë SHBA.