POP 5

Lajmet më të lexuara të 5 minutave të fundit

Kronikë

Ndryshon kursi politik, tani
Taulant Balla fiton gjyqet

Deputeti i PS u padit për shpifje nga 11 pronarë nga Tirana. Tre muaj më parë u gjobit 10 milionë lekë.
Ndryshon kursi politik, tani<br />Taulant Balla fiton gjyqet
TIRANE- Gjykata e Tiranës, ka ndryshuar kursin për deputetin Socialist Taulant Balla, ku pas disa dënimesh të një pas njëshme, deputeti i PS ka arritur të marrë dje një vendim pafajësie. Bëhet fjalë për padinë civile të ngritur nga 11 pronarët e sipërfaqes tokësore të ish-kompleksit sportive “Partizani”, të cilët kishin depozituar rreth një vit më parë Taulant Ballën, duke e akuzuar këtë të fundit se me deklaratat e tij publike i kishte shkaktuar një dëm jo pasuror. Balla rreth një vit më parë ka akuzuar ish-ministrin e Mbrojtjes Arben Imami, se kishte privatizuar truallin e kompleksit “Partizani” tek miqtë e dhëndrit të Sali Berishës, Jamarbër Malltezi. Pas këtyre, deklaratave 11 pronarët e truallit kanë reaguar duke hedhur në gjyq, deputetin Balla, nga ku kërkon prej tij dëmshpërblimin në shumën financiare prej 100 milion lekë të vjetra. Mirëpo ndryshe si në herët e tjera, dhe për rastin konkret ku Balla është shpallur fajtor me 10 milion lekë të vjetra, pasi padinë e kishte kryer Jamarbër Malltezi, këtë herë gjykata e Tiranës ka shpallur të pafajshëm deputetin Socialist.

Argumenti i gjykatës
Në vendimin e tij, gjyqtari Ilir Çeliku ka argumentuar rrëzimin e padisë së 11 pronarëve të truallit me faktin se në deklaratat e tij publike, deputeti Taulant Balla nuk i ka përmenduar asnjëherë emrin personave që kanë depozituar padinë në gjykatë. Sipas vendimit, në kushtet kur nuk ka asnjë emër nga paditësit të përmendur, nuk kemi të bëjmë me prishje të imazhit dhe shkaktimit të ndonjë dëmi konkret, pasi personi i paditur që në këtë rast është deputeti i parlamentit Shqiptar Taulant Balla, nuk ka përmendur asnjë prej emrave të pronarëve. Më tej në vendimin e gjykatës, tregohet se në fjalën e tij ka përmendur vetëm emrin e shtetasit Jamarbër Malltezi dhe atë t ëish-minsitrit të Mbrojtes Arben Imami, por që në asnjë rresht të deklaratës së tij, Balla nuk ka përmendur paditësit Fatmir Bektashi,  Fiqerete Vaqarri, Genci Bektashi, Gezim Begeja, Hamide Saliaga, Igli Vaqarri, Liljana Arapi, Luan Arapi, Luan Saliaga, Nervit Hoxha dhe Xhimi Begeja.

Deklarata e Ballës
“Dje i treguam publikut një pronë prej 33000 metra katror të marrë nga shteti dhe dhënë privatit. Atje ishte kompleksi sportiv “Partizani” e gjithë kjo pronë është shitur nga Ministria e Mbrojtjes, ndërtesat janë shitur me një vlerë qesharake, 100 milion lekë të vjetra, por nxitoi të mbulojë se trualli u është kthyer ish-pronarëve. I kërkuam se na thotë se kush janë ish-pronarët nuk morëm asnjë përgjigje. Dhe kush është përfaqësuesi i ish-pronarëve të kompleksit “Partizani”? Arbër Malltezi, dhëndri i Sali Berishës, burri i Argita Berishës dhe kunati i Shkëlzen Berishës,”- ka deklaruar Balla teksa ka bërë publike për mediat kontratën e privatizimit. Më tej ai ka deklaruar se firmosja e këtij kompleksi për privatizim është bërë me presion brenda forcave të ushtrisë, dhe është bërë e mundur pas ardhjes në krye të Ministrisë së Mbrojtjes të Arben Imamit.

Shkrimi u publikua sot (14.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Tiranë/ Detaje të reja nga eksplozivi në ballkonin e katit të 9 të një pallati: Aty hynte dhe dilte vazhdimisht Bernard Sinomati, vëllai i 'Buzëderrit; të Vlorës

Tiranë/ Detaje të reja nga eksplozivi në ballkonin e katit të 9 të një pallati: Aty hynte dhe dilte vazhdimisht Bernard Sinomati, vëllai i 'Buzëderrit; të Vlorës

22 Dhjetor, 17:30