Në Austri shkarkojnë legjendën Miroslav Klose

Në Austri shkarkojnë legjendën Miroslav Klose

Miroslav Klose

Miroslav Klose nuk është më trajner i SCR Altach në elitën e futbollit austriak. Klubi ka marrë vendimin drastik për ish-bomberin e Gjermanisë, që tanimë është në kërkim të një tjetër ekipi. 44 vjeçari iu bashkuar skuadrës së Altach në korrik 2022 si trajner, pas disa vitesh si asistent te Bayern Munich, me fitoren e fundit që daton në tetor 2022.

Kanë qenë rezultatet e dobëta ato që detyruan drejtuesit të marrin vendimin drastik për një nga sulmuesit më të mirë që ka nxjerrë futbolli. Vetëm 4 fitore, pesë barazime dhe 13 humbje për Klosen në krye të skuadrës së Bundesligës austriake.

“Miroslav Klose dha gjithçka nga dita e parë deri në të fundit dhe ishte një eksperiencë e madhe ta shihje atë si trajner dhe mbi të gjitha si person në Altach. Do doja ta falenderoja për punën që ka bërë”, tha drejtori sportiv Christoph Langle.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen