POP 5

Lajmet më të lexuara të 5 minutave të fundit

Kronikë

Nga Tirana në Fier me dy mina gati për shpërthim, arrestohet 33-vjeçari (VIDEO)

Një 33-vjeçar ka rënë në prangat e policisë ditën e sotme në Fier, i akuzuar për trafikim të minave me telekomandë.

Një 33-vjeçar ka rënë në prangat e policisë ditën e sotme në Fier, pasi u kap me dy mina me telekomandë në makinë, me qëllimin për t'i shitur.

Me një njoftim për mediat, Policia bën me dije se është arrestuar Elton Jata, banues në Pezë, të cilit në mjetin tip "Benz" me të cilin po udhëtonte, iu gjetën 2 elektrodetonatorë të montuar në brendësi të lëndës plasëse të lidhur me celularë, të gatshme për shpërthim të kontrolluar.

Nuk dihet ende se me cilat persona kishte komunikuar 33-vjeçari për t'i shitur minat.

Arrestimi i tij erdhi si rezultat i finalizimit të operacionit "Porosia", të kryer nga specialistët e Seksionit për Hetimin e Narkotikëve dhe Trafiqeve të Paligjshme në DVP Fier, në bashkëpunim me forcën e posaçme "Shqiponjat".

Vijon operacioni për identifikimin e personave të tjerë të përfshirë në këtë veprimtari.

Materialet do i kalojnë Prokurorisë pranë Gjykatës së Shkallës së Parë Fier, për veprën penale "Trafikimi i lëndëve plasëse, djegëse, helmuese dhe radioaktive'", njofton policia.  

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça